فيديو: فَهْم قيم أعداد مكوَّنة من رقمين باستخدام التعبيرات أكبر من، أقل من، يساوي

يقول آدم العدد ١٧ أقل من ٢١. هل ذلك صواب أم خطأ؟

٠١:٤٣

‏نسخة الفيديو النصية

يقول آدم: العدد سبعتاشر أقل من واحد وعشرين. هل ذلك صواب أم خطأ؟

آدم بيقارن ما بين العدد سبعتاشر، والعدد واحد وعشرين. وقال لنا: إن سبعتاشر أقلّ من واحد وعشرين. عاوزين نعرف الكلام اللي هو قاله ده، صح ولّا غلط. هنكتب السبعتاشر هنا؛ سبعة وجنبها واحد. وتحتها الواحد وعشرين. الواحد تحت السبعة، والاتنين تحت الواحد. ونبدأ نقارن.

علشان نقارن بين السبعتاشر والواحد وعشرين، محتاجين نبصّ على خانة العشرات في كل عدد. خانة العشرات في السبعتاشر، هي الواحد. وخانة العشرات في الواحد وعشرين، هي الاتنين. مين الكبير؛ الواحد ولّا الاتنين؟ الاتنين هي الكبيرة. فده معناه إن العدد ده هو الكبير. يعني واحد وعشرين أكبر مِ السبعتاشر.

طيب هو آدم قال إيه؟ آدم قال: السبعتاشر أقلّ من، أو أصغر من الواحد وعشرين. مش الكلام ده صح؟ لأن السبعتاشر هي العدد الصغير، والواحد وعشرين هو العدد الكبير. فده معناه إن فعلًا السبعتاشر أقلّ من الواحد وعشرين.

يبقى لمّا نيجي نردّ على السؤال اللي بيقول لنا: «هل ذلك صواب أم خطأ؟» يعني صح ولّا غلط؟ نقوله: صح. صح اللي هي إيه؟ صواب. فتبقى الإجابة الصح هي كلمة «صواب».

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.