فيديو السؤال: مقارنة الكسور بكسور العدد الصحيح الرياضيات

أكمل: ٢/١ _ الجزء الملون.

٠٢:٠٢

‏نسخة الفيديو النصية

أكمل: واحد على اتنين، نقط، الجزء الملون.

واضح مِ السؤال اللي عندنا إن إحنا عايزين نقارن الكسر، اللي هو واحد على اتنين، أو نُصّ، بالكسر اللي هيعبّر عن الجزء الملون. والمقارنة دي هتوضح لنا إذا كان أحد الطرفين أكبر من التاني، أو إذا كان الطرفين متساويين. عشان نقدر نعرف الجزء الملون ده بيساوي قدّ إيه؛ هنشوف إزاي نقدر نعبّر بالكسر عن الجزء من الكل، أو جزء من مجموعة.

لمّا بنيجي نعبّر عن الجزء من كل أو جزء من مجموعة بكسر، بيبقى الكسر ده البسط بتاعه عدد الأجزاء الملونة، والمقام بيبقى عدد الأجزاء الكلية اللي بيتكون منها الشكل. فلو بصّينا عَ الشكل اللي عندنا، هنلاقي إن عدد الأجزاء الملونة واحد؛ يبقى البسط بتاع الكسر هيبقى واحد.

أما عدد الأجزاء الكلّية، اللي بيتكون منها الشكل، فتعالوا نعدّها؛ اتنين، تلاتة، أربعة. الشكل بيتكون من أربع أجزاء؛ يبقى المقام بتاع الكسر هيبقى أربعة. ويبقى الكسر اللي هيعبّر عن الجزء الملون مِ الشكل هو واحد على أربعة. وده معناه إن إحنا دلوقتي هنقارن الكسر واحد على اتنين بالكسر واحد على أربعة. نقدر نمثل الكسر واحد على اتنين بالشكل اللي قدامنا ده؛ فيه جزء واحد ملون، والشكل كله بيتكون من جزئين.

نقدر نقارن الكسرين عن طريق مقارنة المساحة الملونة في الشكلين؛ فهنلاحظ إن الشكل اللي تحت هو اللي فيه مساحة ملونة أكبر من الشكل اللي فوق. ده معناه إن الكسر واحد على اتنين أكبر من الكسر واحد على أربعة.

نرجع بقى للسؤال زي ما كان معطى عندنا بالظبط. إحنا بنقارن نُصّ بمساحة الجزء الملون في الشكل ده، وبالمقارنة قدرنا نعرف إن نُصّ أكبر من مساحة الجزء الملون في الشكل؛ يبقى نتيجة المقارنة إننا هنستخدم علامة أكبر من.

Nagwa uses cookies to ensure you get the best experience on our website. Learn more about our Privacy Policy.