فيديو: إيجاد قياس زاوية بمعلومية قياس الزاوية المكملة لها

باستخدام الشكل التالي، أوجد ق∠ﺏوﺃ.

٠٢:١٩

‏نسخة الفيديو النصية

باستخدام الشكل التالي أوجد قياس الزاوية ب و أ.

ومعطى عندنا الشكل ده، والمطلوب إننا نوجد قياس الزاوية ب و أ، اللي هي الزاوية دي. فمن الشكل هنلاحظ إن معطى عندنا إن قياس الزاوية ب و ج هو تسعة وستين درجة. وهنلاحظ أيضًا من الشكل إن قياس الزاوية ب و ج بيساوي قياس الزاوية ج و د. وبما إن مُعطى عندنا إن قياس الزاوية ب و ج بيساوي تسعة وستين درجة. فبالتالي هيبقى قياس الزاوية ج و د بيساوي تسعة وستين درجة.

بعد كده هنلاحظ عندنا إن التلات زوايا اللي همّ الزاوية ب و أ، والزاوية ب و ج، والزاوية ج و د؛ همّ التلاتة بيقعوا على خط مستقيم. وبالتالي بيكوّنوا زاوية مستقيمة. والزاوية المستقيمة هي الزاوية اللي قياسها مية وتمانين درجة. فبالتالي هيبقى مجموع قياسات الزوايا التلاتة هو مية وتمانين درجة. فمعنى كده إن هيبقى قياس الزاوية ب و أ، زائد قياس الزاوية ب و ج، زائد قياس الزاوية ج و د، بيساوي مية وتمانين درجة.

وبما إن إحنا قدرنا نوجد قياسات الزاويتين ب و ج وَ ج و د، واللي هو بيساوي تسعة وستين درجة؛ يعني كل زاوية فيهم قياسها تسعة وستين درجة. فمعنى كده إن هيبقى قياس الزاوية ب و أ اللي عايزين نوجدها، بيساوي مية وتمانين درجة ناقص مجموع الزاويتين الآخرين. يعني هيبقى بيساوي مية وتمانين درجة ناقص تسعة وستين درجة زائد تسعة وستين درجة.

فلمّا نجمع تسعة وستين درجة زائد تسعة وستين درجة هتبقى بتساوي مية تمنية وتلاتين درجة. وبالتالي هيبقى قياس الزاوية ب و أ بيساوي مية وتمانين درجة ناقص مية تمنية وتلاتين درجة. فلمّا نحسبها هتبقى بتساوي اتنين وأربعين درجة. وبالتالي هيبقى قياس الزاوية ب و أ بيساوي اتنين وأربعين درجة. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.