فيديو: كتابة وحل متباينات خطية

إذا كان ٧ أمثال لعدد ما أقل من ٢١، فاكتب متباينة توضّح هذه المعلومة، ثم حلّها.

٠١:٤٨

‏نسخة الفيديو النصية

إذا كان سبع أمثال لعدد ما أقل من واحد وعشرين، فاكتب متباينة توضّح هذه المعلومة، ثم حلّها.

أول حاجة، هنفرض إن العدد هو عبارة عن س عدد ما. وبالتالي سبع أمثال عدد ما يبقى سبعة س أقل من واحد وعشرين، فبنكتب علامة أقل، واحد وعشرين. يبقى سبعة س أقل من واحد وعشرين. بعد كده هنبدأ نحلّ هذه المتباينة. يعني هنوجد جميع قيم س التي تحقّق هذه المتباينة.

فهنبدأ بعزل المتغيّر س، وده عن طريق قسمة الطرفين على سبعة. يبقى سبعة س على السبعة أقل من واحد وعشرين على سبعة. وطبعًا لأننا بنقسم على عدد موجب، زي ما إحنا شايفين، وهو سبعة؛ فبالتالي بنلاقي إن علامة المتباينة ما بتتغيّرش، وبتفضل أقل من.

بنلاقي في الطرف اليمين فيه عامل مشترك أكبر بين البسط والمقام، وهو سبعة؛ سبعة على السبعة فيها الواحد، سبعة على السبعة فيها الواحد. وبنلاقي في الطرف الشمال واحد وعشرين على السبعة، فيه عامل مشترك أكبر ما بينهم وهو السبعة؛ واحد وعشرين على السبعة بنلاقي الناتج تلاتة. سبعة على السبعة بنلاقي إن الناتج بواحد.

وبالتالي يبقى حلّ المتباينة عندنا هيبقى عبارة عن: جميع قيم س اللي أقل من التلاتة بتمثّل حلّ لهذه المتباينة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.