فيديو: تصنيف العناصر إلى فئات مُعطاة

ما الفئتان اللتان يمكن تصنيف هذه العناصر ضمنها؟ [أ] الكتب وغير الكتب. [ب] البيوت وغير البيوت. [ج] الأشخاص وغير الأشخاص.

٠١:٤٨

‏نسخة الفيديو النصية

ما الفئتان اللتان يمكن تصنيف هذه العناصر ضمنها؟ الكتب وغير الكتب، البيوت وغير البيوت، الأشخاص وغير الأشخاص؟

عندنا مجموعة الصور اللي قدامنا دي، وعاوزين نصنّفها. ونشوف لمّا نصنّفها لمجموعتين، المجموعتين دول هيكونوا إيه. كتب وحاجات تانية، ولّا بيوت وحاجات تانية، ولّا أشخاص وحاجات تانية؟ تعالوا نشوف.

عندنا أول صورة هنا فيها طعام أو أكل. تاني صورة فيها شخص. وتالت صورة فيها حقيبة، أو اللي هي إحنا بنقول عليها الشنطة. رابع صورة فيها شخص. خامس صورة فيها حصان. سادس صورة فيها بنت، اللي هي تعتبر إيه؟ شخص. إنها إنسان. والصورة اللي بعدها فيها ولد. نعتبره برضو شخص.

طيب إحنا كده بقى اتقسّمت لإيه؟ عندنا هنا دول كده أشخاص؛ أربع أشخاص. والباقي طعام، وحقيبة، وحصان. فده معناه إن إحنا قسّمناهم لمجموعتين. هل هم كتب وغير كتب؟ لأ، ما لقيناش ولا كتاب. طيب أول حاجة، أو أول اختيار ده غلط. طب نشوف اللي بعده. هل هم بيوت وغير بيوت؟ برضو ما لقيناش ولا بيت. طب اللي بعده. هل هم أشخاص وغير أشخاص؟ أيوه، إحنا لقينا أربع أشخاص، والباقي حاجات تانية غير الأشخاص.

يبقى هي دي الإجابة الصحّ، اللي إحنا المفروض نختارها: الأشخاص وغير الأشخاص.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.