تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد المتباينات المتكافئة

نهال عصمت

أيٌّ من المتباينات التالية يكافئ −٤ﺱ ≤ −١؟ [أ] ﺱ ≥ ٤ [ب] ﺱ ≥ ٤/١ [ج] ﺱ = ٤/١ [د] ﺱ < ٤/١ [ﻫ] ﺱ ≤ ٤/١

٠١:٢٥

‏نسخة الفيديو النصية

أيٌّ من المتباينات التالية يكافئ سالب أربعة س أصغر من أو تساوي سالب واحد.

عندنا خمسة اختيارات. الاختيار أ: س أكبر من أو تساوي أربعة. الاختيار ب: س أكبر من أو تساوي واحد على أربعة. الاختيار ج: س تساوي واحد على أربعة. الاختيار د: س أصغر من واحد على أربعة. الاختيار هـ: س أصغر من أو تساوي واحد على أربعة.

هنلاحظ في الاختيارات، إن س دايمًا في طرف لوحدها. بالتالي عايزين نخلّي في السؤال برضو س في طرف لوحدها. عندنا سالب أربعة س أصغر من أو تساوي سالب واحد. عشان نخلّي س في طرف لوحدها، هنقسم طرفَي المتباينة على سالب أربعة.

وبالتالي في الطرف الأيمن، هيبقى سالب أربعة س على سالب أربعة. وفي الطرف الأيسر، سالب واحد على سالب أربعة. وعشان قسمنا على عدد سالب، بالتالي هنقلب علامة المتباينة. بدل ما هي أصغر من أو تساوي، هتبقى أكبر من أو تساوي. هيبقى عندنا س أكبر من أو تساوي واحد على أربعة. يبقى الاختيار الصح هو الاختيار رقم ب: س أكبر من أو تساوي واحد على أربعة.