فيديو السؤال: اختيار الطول المناسب لجسم الرياضيات

أيٌّ من التالي يمثل طولًا معقولًا لفرشاة الأسنان؟ [أ] ٧٠ سم [ب] ٥ ديسم [ج] ١٢ مم [د] ٢ م [ﻫ] ١٢ سم

٠٢:٤١

‏نسخة الفيديو النصية

أيٌّ من التالي يمثل طولًا معقولًا لفرشاة الأسنان؟ سبعين سنتيمتر، خمسة ديسيمتر، اتناشر ملليمتر، اتنين متر، اتناشر سنتيمتر.

عاوزين نعرف أيّ طول من الأطوال اللي قدامنا دي، بيمثل طول معقول لفرشة أسنان. فرشة الأسنان مش حاجة كبيرة أوي، أو تقيلة، أو طويلة ما نقدرش نشيلها. وفي نفس الوقت مش حاجة صغيرة أوي. حاجة طولها عادي مش طويل أوي، ومش قصير أوي. زي اللي الولد ده ماسكها في إيده.

طيب لو جينا نبصّ على أول اختيار عندنا، هنلاقيه سبعين سنتيمتر. سبعين سنتيمتر ده أكتر من نص متر. فهل فرشة الأسنان طولها أكتر من نص متر؟ لأ طبعًا؛ يبقى أول إجابة دي مش هي الإجابة الصح. ولو شُفنا الإجابة اللي بعدها، وهي خمسة ديسيمتر. خمسة ديسيمتر يعني خمسين سنتيمتر، يعني نص متر بالظبط. برضو هتكون إجابة مرفوضة، زي الإجابة اللي قبلها؛ لأن ده طول طويل أو كبير جدًّا بالنسبة لفرشة الأسنان.

فنشوف الاختيار اللي بعده، وهو اتناشر ملليمتر. اتناشر ملليمتر طول صغير بالنسبة لفرشة الأسنان؛ لأن طول فرشة الأسنان أكتر من اتناشر ملليمتر بكتير. ولو شُفنا الاختيار اللي بعده، وهو اتنين متر، أكيد برضو هنرفضه. لأننا قُلنا فرشة الأسنان استحالة تكون نص متر، ما بالكم باتنين متر؟ ده طول كبير جدًّا.

دلوقتي هنشوف آخر اختيار وهو اتناشر سنتيمتر. سنتيمتر طول معقول لفرشة الأسنان، خصوصًا لو كان عدد جنب السنتيمتر صغير مش كبير، وهو الاتناشر. اتناشر سنتيمتر هو أكتر طول معقول لفرشة الأسنان.

لو حد جه يقول: طيب ما أول اختيار كان سنتيمتر، ليه ما خدناهوش؟ لأن جنب السنتيمتر كان فيه عدد كبير أوي، وهو السبعين. فده خلّى الاختيار ده يكون صعب نختاره؛ لأنه بيمثل طول كبير أكبر من نص متر. لكن الاختيار ده اتناشر سنتيمتر، عدد صغير جنب السنتيمتر. فده بيكون أنسب حاجة وأكتر حاجة معقولة لفرشة الأسنان. يبقى من هنا نقدر نقول إن الإجابة الصح هي اتناشر سنتيمتر.

Nagwa uses cookies to ensure you get the best experience on our website. Learn more about our Privacy Policy.