فيديو: إيجاد قيمة مجهولة باستخدام التشابه بين المضلعات

إذا كان المضلعان متشابهين، فأوجد قيمة ﺱ.

٠٢:٣٦

‏نسخة الفيديو النصية

إذا كان المضلعان متشابهين، فأوجد قيمة س.

بما إن المضلعين متشابهين، فده معناه إن النسبة بين أضلاعهم المتناظرة متساوية. فممكن نستنتج إن نسبة الضلع ص ر اللي طوله أربعة وعشرين، إلى طول الضلع و ع اللي بيساوي اتنين س زائد ستة. هتساوي النسبة بين طول الضلع ر ل اللي بيساوي تمنية وعشرين، والضلع ع ج اللي بيساوي سبعة س ناقص سبعة.

وباستخدام الضرب التبادلي، ممكن نقول إن أربعة وعشرين في سبعة س ناقص سبعة، هيساوي تمنية وعشرين في اتنين س زائد ستة. وبقسمة طرفَي المعادلة على أربعة؛ هتبقى ستة في، سبعة س ناقص سبعة؛ بيساوي سبعة في، اتنين س زائد ستة.

بعد كده نضرب ستة في سبعة س، ونضرب ستة في سالب سبعة. وفي الطرف الأيسر هنضرب سبعة في اتنين س، بعدين نضرب سبعة في ستة. ستة في سبعة س هيساوي اتنين وأربعين س. وستة في سالب سبعة هيساوي سالب اتنين وأربعين. يبقى اتنين وأربعين س ناقص اتنين وأربعين. ده هيساوي … سبعة في اتنين س هيساوي أربعتاشر س. وسبعة في ستة هيساوي اتنين وأربعين. يبقى أربعتاشر س زائد اتنين وأربعين.

بعد كده نطرح أربعتاشر س من الطرفين. فالمعادلة هتبقى اتنين وأربعين س ناقص أربعتاشر س ناقص اتنين وأربعين هيساوي اتنين وأربعين. وبجمع الحدود المتشابهة هتبقى المعادلة تمنية وعشرين س ناقص اتنين وأربعين هيساوي اتنين وأربعين. وبإضافة اتنين وأربعين إلى الطرفين، هتبقى المعادلة تمنية وعشرين س بتساوي أربعة وتمانين. وبقسمة الطرفين على تمنية وعشرين، هتبقى س بتساوي أربعة وتمانين على تمنية وعشرين؛ يعني س بتساوي تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.