فيديو: مقارنة الكسور في سياق واقعي

أجرت إحدى المدارس استطلاعًا للرأي لمعرفة كيفية ذهاب الطلاب إلى المدرسة. النتائج موضّحة في الجدول. أي وسيلة انتقال الأكثر انتشارًا؟ [أ] الركوب مع الأصدقاء [ب] المشي [ج] الركوب مع الوالدين [د] حافلة المدرسة

٠٢:١٣

‏نسخة الفيديو النصية

أجرت إحدى المدارس استطلاعًا للرأي لمعرفة كيفية ذهاب الطلاب إلى المدرسة. النتائج موضّحة في الجدول. أي وسيلة انتقال الأكثر انتشارًا؟ أ: الركوب مع الأصدقاء. ب: المشي. ج: الركوب مع الوالدين. د: حافلة المدرسة.

الجدول مقسّم إلى وسيلة الانتقال وكسر نسبة الطلاب. المشي خمسة على ستاشر. حافلة المدرسة تلتاشر على اتنين وتلاتين. الركوب مع الوالدين واحد على تمنية. الركوب مع الأصدقاء خمسة على اتنين وتلاتين.

عشان نعرف أي وسيلة انتقال الأكثر انتشارًا، هنقارن كسر نسبة الطلاب لكل وسيلة انتقال. الكسور اللي في الجدول هي خمسة على ستاشر، تلتاشر على اتنين وتلاتين، واحد على تمنية، وخمسة على اتنين وتلاتين.

في البداية عشان نعرف نقارن ونشوف الكسر الأكبر، هنوحّد المقامات. المضاعف المشترك الأصغر للمقامات هو اتنين وتلاتين. عشان مقام الكسر الأولاني اللي هو ستاشر يكون اتنين وتلاتين، هنضرب في اتنين؛ وبالتالي هنضرب البسط في اتنين. وعشان مقام الكسر التالت اللي هو تمنية يبقى اتنين وتلاتين، هنضرب في أربعة في المقام؛ وبالتالي هنضرب البسط في أربعة.

خمسة في اتنين هتساوي عشرة، على ستاشر في اتنين؛ اتنين وتلاتين. تلتاشر على اتنين وتلاتين زي ما هو. واحد في أربعة بأربعة، على تمنية في أربعة باتنين وتلاتين. وخمسة على اتنين وتلاتين زي ما هو.

دلوقتي بقى عندي كسور ليها نفس المقامات، أقدر أقارن البسوط. هنلاحظ إنه الكسر الأكبر اللي عنده أكبر بسط، وهو تلتاشر على اتنين وتلاتين. لمّا هنرجع للجدول هنلاحظ إنه الكسر تلتاشر على اتنين وتلاتين هو كسر نسبة الطلاب اللي بيتم انتقالهم بحافلة المدرسة. وبكده أقدر أقول إن وسيلة الانتقال الأكثر انتشارًا هي حافلة المدرسة، اختيار د.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.