فيديو السؤال: إيجاد محيط المستطيل في سياق واقعي الرياضيات

تبني رانيا سياجًا حول حديقتها المستطيلة الشكل. يبلغ عرض الحديقة ٤٣ قدمًا ويبلغ طولها ٥٦ قدمًا. لا يمكن شراء السياج إلا في صورة أجزاءٍ طول الجزء الواحد منها ١٨ قدمًا، ولكن يمكن تقطيعها إلى الأحجام المطلوبة بعد الشراء. ما عدد الأجزاء التي تحتاج إلى شرائها؟

٠٢:٠٤

‏نسخة الفيديو النصية

تبني رانيا سياجًا حول حديقتها المستطيلة الشكل. يبلغ عرض الحديقة تلاتة وأربعين قدم. ويبلغ طولها ستة وخمسين قدم. لا يمكن شراء السياج إلا في صورة أجزاء طول الجزء الواحد منها تمنتاشر قدم. ولكن يمكن تقطيعها إلى الأجزاء المطلوبة بعد الشراء. ما عدد الأجزاء التي تحتاج إلى شرائها؟

علشان نوجد عدد أجزاء السياج اللي هتحتاج رانيا إنها تشتريها، علشان تبني السياج حوالين حديقتها. فإحنا الأول هنوجد طول السياج المطلوب، واللي هيساوي محيط الحديقة. وعلشان نوجد عدد الأجزاء اللي هتحتاج رانيا إنها تشتريها، هنقسم الطول الكلّي للسياج، اللي هيساوي محيط الحديقة، على طول الجزء الواحد، اللي هو تمنتاشر قدم. بكده هيبقى عدد الأجزاء التي تحتاج رانيا إلى شرائها يساوي طول السياج الكلّي على طول الجزء الواحد. وطول السياج الكلّي يساوي محيط الحديقة. أمَّا طول الجزء الواحد، فهو يساوي تمنتاشر قدم. فبكده هيبقى عدد الأجزاء اللي هتحتاج رانيا لشرائها يساوي محيط الحديقة على تمنتاشر قدم.

بكده محتاجين نوجد محيط الحديقة. وبما إن الحديقة مستطيلة الشكل، ومحيط المستطيل يساوي اتنين في، الطول زائد العرض. ومعطى عندنا في المثال إن عرض الحديقة يساوي تلاتة وأربعين قدم. وطول الحديقة يساوي ستة وخمسين قدم. فمعنى كده إن محيط الحديقة يساوي اتنين في، ستة وخمسين زائد تلاتة وأربعين. وستة وخمسين زائد تلاتة وأربعين يساوي تسعة وتسعين. فمعنى كده إن محيط الحديقة يساوي اتنين في تسعة وتسعين. يعني محيط الحديقة يساوي مية تمنية وتسعين قدم. كده إحنا وصلنا إن محيط الحديقة، واللي بيساوي طول السياج الكلّي، هو مية تمنية وتسعين قدم.

بكده هيبقى عدد الأجزاء اللي هتحتاج رانيا إنها تشتريها يساوي مية تمنية وتسعين على تمنتاشر. ومية تمنية وتسعين على تمنتاشر يساوي حداشر. بالتالي هيبقى عدد الأجزاء اللي هتحتاج رانيا إنها تشتريها هو حداشر جزء. وهو ده المطلوب.

Nagwa uses cookies to ensure you get the best experience on our website. Learn more about our Privacy Policy.