فيديو السؤال: تحديد الأشكال الرباعية التي جميع أضلاعها متعامدة الرياضيات

ما اسم الأشكال الرباعية التي جميع أضلاعها الأربعة متعامدة على الأضلاع المجاورة؟

٠١:١٧

‏نسخة الفيديو النصية

ما اسم الأشكال الرباعية التي جميع أضلاعها الأربعة متعامدة على الأضلاع المجاورة؟

الأشكال الرباعية هي اللي بتتكوّن كلها من أربع أضلاع، والمطلوب مننا نحدّد الأشكال اللي الأضلاع الأربعة بتاعتها متعامدة على أضلاعها المجاورة؛ يعني كل ضلع يبقى متعامد أو عامل زاوية قياسها تسعين درجة على الضلع المجاور ليه. وده متحقق في الشكلين اللي قدامنا دول اللي هما المستطيل والمربع، واللي في كل شكل فيهم كل ضلع من الأضلاع الأربعة متعامد على الضلع المجاور ليه؛ يعني بيعمل زاوية قياسها تسعين درجة مع الضلع المجاور ليه.

الفرق الوحيد بين الشكلين إن المستطيل مش أضلاعه كلها متساوية، هو كل ضلعين فيه متقابلين بيبقوا متساويين؛ يعني الضلعين الطوال دول متساويين، والضلعين التانيين اللي هم متعامدين عليهم بيبقوا متساويين، أما في المربع فأضلاعه الأربعة متساوية، دي من خصائص المربع. بس في الحالتين الشكلين الرباعين دول كل واحد فيهم كل ضلع من أضلاعه متعامد مع الضلع المجاور ليه؛ يبقى الإجابة المطلوبة هي المستطيل والمربع. هم دول الأشكال الرباعية اللي جميع أضلاعها متعامدة على الأضلاع المجاورة.

Nagwa uses cookies to ensure you get the best experience on our website. Learn more about our Privacy Policy.