فيديو: إيجاد محيط متوازي أضلاع باستخدام المقادير الجبرية التي تعبر عن أطوال أضلاعه

ضلعان متجاوران في متوازي أضلاع طولهما ٨ﺕ وحدات، ٨ﺟ وحدات. اكتب مقدارًا يعبِّر عن محيطه.

٠١:٥٧

‏نسخة الفيديو النصية

ضلعان متجاوران في متوازي أضلاع، طولهما تمنية ت وحدات، وتمنية ج وحدات. اكتب مقدارًا يعبّر عن محيطه.

يعني معطى عندنا إن فيه متوازي أضلاع. ومعطى إن فيه عندنا ضلعين متجاورين طولهم تمنية ت وحدات، وتمنية ج وحدات. والمطلوب إننا نكتب مقدار بيعبّر عن المحيط. وخلّينا في الأول نفتكر إن المحيط هي المسافة حول الشكل. وبما إن الشكل اللي عندنا هو متوازي أضلاع. فخلّينا في الأول نفتكر إن هو شكل هندسي رباعي الأضلاع، بحيث بيكون كل ضلعين متقابلين من أضلاعه متوازيين. وفي نفس الوقت، من خصائص متوازي الأضلاع بإن كل ضلعين من أضلاعه المتقابلة بيبقى ليها الطول نفسه.

فبالتالي لمّا نيجي نشوف الضلع ده مثلًا، بما إننا فرضنا إن طوله تمنية ج وحدات، فمعنى كده إن الضلع المقابل ليه هيبقى ليه الطول نفسه. وبنفس الطريقة، بما إن الضلع ده فرضنا إن طوله تمنية ت، فبالتالي هيبقى الضلع المقابل ليه، ليه الطول نفسه، واللي هو تمنية ت.

فبالتالي عشان نوجد محيط الشكل اللي عندنا، اللي هو متوازي الأضلاع، بيساوي اتنين في، طول الضلع الأكبر زائد طول الضلع الأصغر. أو بمعنى آخر نقدر نقول: إن هو بيساوي اتنين في مجموع أطوال أيّ ضلعين متجاورين في متوازي الأضلاع.

فهيبقى بيساوي اتنين في … ممكن نفرض إن طول الضلع الأكبر تمنية ت، وطول الضلع الأصغر هو تمنية ج. فبالتالي هيبقى المقدار اللي نقدر نعبّر بيه عن محيط متوازي الأضلاع هو: اتنين في، تمنية ت زائد تمنية ج وحدات. وهيبقى هو ده المقدار اللي بيعبّر عن المحيط.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.