فيديو: إيجاد قياس زاوية بمعلومية قياس الزاوية المكملة لها

أوجد قيمة ﺱ.

٠١:١٠

‏نسخة الفيديو النصية

أوجد قيمة س.

معطى عندنا الشكل اللي قدامنا، وعندنا الزاوية دي قياسها س درجة، والزاوية دي قياسها مية وسبعة درجة. فمن الشكل هنلاحظ إن الزاويتين بيشكّلوا زاوية مستقيمة. والزوية المستقيمة هي الزاوية اللي قياسها مية وتمانين درجة؛ فبالتالي هيبقى الزاوية اللي قياسها س درجة، والزاوية اللي قياسها مية وسبعة درجة، هما الاتنين زاويتين متكاملتين. والزاويتين المتكاملتين هما الزاويتين اللي مجموعهم مية وتمانين درجة؛ فبالتالي هيبقى مجموع قياسَي الزاويتين اللي عندنا بيساوي مية وتمانين درجة؛ فبالتالي هيبقى س زائد مية وسبعة يساوي مية وتمانين.

والمطلوب في السؤال إننا نوجد قيمة س؛ فعشان نوجد قيمة س، يبقى هنطرح مية وسبعة من طرفَي المعادلة؛ ‏فهيبقى الطرف الأيمن للمعادلة س زائد مية وسبعة ناقص مية وسبعة؛ فمية وسبعة ناقص مية وسبعة بتساوي صفر، فيبقى الطرف الأيمن س. وأمّا الطرف الأيسر للمعادلة فيبقى مية وتمانين ناقص مية وسبعة، فلمّا نحسبها هتبقى بتساوي تلاتة وسبعين؛ وبالتالي هتبقى قيمة س هي تلاتة وسبعين، وهو ده المطلوب في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.