فيديو: استخدام قانون الجيب لإيجاد طول ضلع المثلث

أﺏﺟ مثلث فيه جا أ = ٧/٤، جا ب = ٥/٤، بﺟ = ٣٫٩٩ سم، أوجد طول الضلع أب لأقرب رقمين عشريين.

٠٢:٤٨

‏نسخة الفيديو النصية

أ ب ﺟ مثلث فيه جا أ تساوي أربعة على سبعة. وَ جا ب تساوي أربعة على خمسة. وَ ب ﺟ تساوي تلاتة وتسعة وتسعين من مية سنتيمتر. أوجد طول أ ب لأقرب رقمين عشريين.

باستخدام قانون الجيب لإيجاد طول الضلع أ ب. أ شرطة على جا أ بيساوي ب شرطة على جا ب يساوي ﺟ شرطة على جا ﺟ. حيث الـ أ شرطة هو طول الضلع المقابل للزاوية أ. وَ ب شرطة طول الضلع المقابل للزاوية ب. وَ ﺟ شرطة طول الضلع المقابل للزاوية ﺟ. عايزين نحسب طول أ ب اللي هو قيمة ﺟ شرطة.

الـ جا أ قيمتها معلومة أربعة على سبعة، والـ جا ب قيمتها أربعة على خمسة، لكن الـ جا ﺟ مجهولة. والـ أ شرطة هي طول ب ﺟ، اللي هو قيمته تلاتة وتسعة وتسعين من مية. كده دلوقتي الـ ﺟ شرطة على الـ جا ﺟ مجهولين، فمش هنقدر نوجد الـ ﺟ شرطة، أو الـ جا ﺟ مباشرةً من القانون. لكن بما إن الـ جا أ والـ جا ب إحنا عارفينهم، نقدر نوجد الزاوية أ والزاوية ب؛ باستخدام الدالة العكسية للجيب.

يبقى قياس الزاوية أ هيساوي الدالة العكسية للجيب لأربعة على سبعة. وقياس زاوية ب هيساوي الدالة العكسية للجيب لأربعة على خمسة. والقيمتين دول هنطرحهم من مية وتمانين درجة لإيجاد الزاوية ﺟ. يبقى قياس الزاوية ﺟ هيساوي مية وتمانين درجة ناقص؛ الدالة العكسية للجيب لأربعة على سبعة، زائد الدالة العكسية للجيب الأربعة على خمسة. يبقى قياس الزاوية ﺟ هيساوي تقريبًا اتنين وتسعين واتنين من مية درجة. يبقى الـ جا ﺟ هتبقى جا اتنين وتسعين واتنين من مية درجة.

يبقى ﺟ شرطة على جا اتنين وتسعين واتنين من مية درجة، هتساوي تلاتة وتسعة وتسعين من مية، على أربعة على سبعة. يبقى ﺟ شرطة هتساوي تلاتة وتسعة وتسعين من مية على أربعة. ومقام المقام بسط، يعني كأننا بنضرب هنا في سبعة. والكلام ده كله مضروب في جا اتنين وتسعين واتنين من مية. يبقى ﺟ شرطة هتساوي تقريبًا ستة وتمنية وتسعين من مية سنتيمتر. وده الناتج بعد التقريب لرقمين عشريين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.