فيديو السؤال: إيجاد قياس إحدى الزاويتين المتكاملتين المتطابقتين الرياضيات

إذا كانت ⦣ﺃ، ⦣ﺏ زاويتين متكاملتين ومتطابقتين، فما ق⦣ﺏ؟

٠١:٤٠

‏نسخة الفيديو النصية

إذا كانت الزاوية أ والزاوية ب زاويتين متكاملتين ومتطابقتين، فما قياس الزاوية ب؟

يعني معطى عندنا إن الزاويتين أ وَ ب زاويتين متكاملتين. وخلّينا نفتكر إن الزاويتين المتكاملتين هما الزاويتين اللي مجموع قياسهم مية وتمانين درجة، فمعنى كده إن قياس الزاوية أ زائد قياس الزاوية ب يساوي مية وتمانين درجة. وفي نفس الوقت معطى في السؤال إن الزاويتين أ وَ ب زاويتين متطابقتين، والزوايا المتطابقة هي الزوايا اللي ليها القياس نفسه؛ فمعنى كده إن الزاويتين أ وَ ب ليهم القياس نفسه، فمعنى كده إن قياس الزاوية أ يساوي قياس الزاوية ب.

فبما إن قياس الزاوية أ يساوي قياس الزاوية ب، فنقدر نعوّض عن قياس الزاوية أ هنا في المعادلة بقياس الزاوية ب. فعوّضنا عن قياس الزاوية أ بقياس الزاوية ب؛ لأن الزاويتين متطابقتين، يعني ليهم القياس نفسه؛ فبالتالي هتبقى المعادلة هي: قياس الزاوية ب زائد قياس الزاوية ب تساوي مية وتمانين درجة. فنقدر نجمع قياس الزاوية ب زائد قياس الزاوية ب، واللي هيساوي اتنين قياس الزاوية ب؛ فهتبقى المعادلة اتنين قياس الزاوية ب يساوي مية وتمانين درجة.

فعشان نوجد قياس الزاوية ب، يبقى هنقسم طرفَي المعادلة على اتنين؛ فهيبقى الطرف الأيمن للمعادلة اتنين قياس الزاوية ب على اتنين، فنختصر اتنين مع اتنين، فيبقى الطرف الأيمن قياس الزاوية ب؛ وأمّا الطرف الأيسر للمعادلة فهيبقى مية وتمانين درجة على اتنين، فلمّا نقسمها هتبقى بتساوي تسعين درجة.

فبالتالي هيبقى قياس الزاوية ب يساوي تسعين درجة، وهو ده المطلوب في السؤال.

Nagwa uses cookies to ensure you get the best experience on our website. Learn more about our Privacy Policy.