فيديو السؤال: إيجاد المسافة الفعلية بين مدينتين بمعلومية المسافة على مقياس رسم بمقاييس محددة الرياضيات

نسخة الفيديو النصية

يرسم نبيل خريطة بمقياس رسم واحد إلى عشرة ملايين. إذا كانت المسافة بين مدينتين على الخريطه هي أربعة وخمسة من عشرة سنتيمتر. فأوجد المسافة الفعلية بينهما بالكيلومترات.

بما إن مقياس الرسم هو واحد إلى عشرة ملايين، فده معناه إن كل سنتيمتر واحد على الرسم يعادل عشرة مليون سنتيمتر في الواقع. فممكن نقول إن واحد إلى عشرة ملايين، يساوي أربعة وخمسة من عشرة إلى س؛ حيث س هي المسافة الفعلية بين المدينتين بالسنتيمترات. فممكن نعبر عن النسبتين على صورة كسور بالصورة دي. يعني واحد على عشرة مليون بيساوي أربعة وخمسة من عشرة على س.

بعد كده نستخدم الضرب التبادلي. فبعد استخدام الضرب التبادلي، هتبقى س بتساوي أربعة وخمسة من عشرة، في عشرة ملايين. يعني هتساوي … يعني هتساوي خمسة وأربعين مليون سنتيمتر.

وبما إن الكيلومتر الواحد بيساوي ألف متر، والمتر الواحد يساوي مية سنتيمتر؛ فممكن نقول إن الكيلومتر الواحد بيساوي ألف متر، بعدين نضرب في مية عشان نحول سنتيمتر؛ يعني يساوي مية ألف سنتيمتر. وبالتالي السنتيمتر الواحد هيساوي واحد على مية ألف كيلومتر.

وبالتالي عشان نحوّل س من سنتيمترات إلى كيلومترات، هنقول إنها بتساوي خمسة وأربعين مليون سنتيمتر، مضروبين في واحد على مية ألف؛ عشان نحوّل للكيلومتر. يعني هتساوي خمسة وأربعين مليون، على مية ألف. اللي هيساوي ربعمية وخمسين كيلومتر، ودي المسافة الفعلية بين المدينتين بالكيلومترات.