فيديو السؤال: إيجاد المسافة المقطوعة بواسطة سيارة بعجلة تقصيرية منتظمة الرياضيات

تحركت سيارة سباق بسرعة ٩١ م/ث. تحركت السيارة بعجلة تقصيرية لمدة ١٢ ثانية حتى وصلت سرعتها إلى ٥٤ م/ث. احسب المسافة التي قطعتها السيارة خلال حركتها بالعجلة التقصيرية.

٠٢:١٨

‏نسخة الفيديو النصية

تحرّكت سيارة سباق بسرعة واحد وتسعين متر على الثانية. تحرّكت السيارة بعجلة تقصيرية لمدة اتناشر ثانية حتى وصلت سرعتها إلى أربعة وخمسين متر على الثانية. احسب المسافة التي قطعتها السيارة خلال حركتها بالعجلة التقصيرية.

علشان أقدر أحسب مسافة قُطعت خلال حركة في خطّ مستقيم، لازم أستخدم أحد قوانين الحركة. وقوانين الحركة في خطّ مستقيم هي: ع تساوي ع صفر زائد ﺟ ن؛ وَ ع تربيع بتساوي ع صفر تربيع، زائد اتنين ﺟ ف؛ وَ ف تساوي ع صفر ن، زائد نص ﺟ ن تربيع؛ حيث ع هي السرعة النهائية، وَ ع صفر هي السرعة الابتدائية، وَ ﺟ هي عجلة الحركة، وَ ن هو الزمن، وَ ف هي المسافة المقطوعة خلال الحركة.

وآخد بالي إن عشان أقدر أجيب المسافة المقطوعة، هستخدم القانون التاني أو التالت. وآخد بالي برضو إنه في القانونين أنا محتاج أحصل على الـ ﺟ، اللي هي عجلة الحركة، ودي مش هقدر أجيبها غير من القانون الأول، اللي بيربط السرعة النهائية بالسرعة الابتدائية والعجلة والزمن.

وبما إن السرعة النهائية هي أربعة وخمسين، يبقى أربعة وخمسين تساوي السرعة الابتدائية اللي هي واحد وتسعين، زائد ﺟ في ن، وهو قال: إن الزمن اتناشر ثانية. إذن ﺟ تساوي سالب سبعة وتلاتين على اتناشر متر على الثانية تربيع.

دلوقتي أنا جِبت الـ ﺟ اللي هي عجلة الحركة؛ وبالتالي أقدر أحصل على الـ ف باستخدام المعادلة التانية أو التالتة. ولنفرض إني هستخدم المعادلة التالتة؛ إذن المسافة تساوي ع صفر اللي هي واحد وتسعين، في الزمن اللي هو اتناشر، زائد نص في العجلة اللي أنا لسه جايبها، سالب سبعة وتلاتين على اتناشر، في مربع الزمن اللي هو اتناشر تربيع. إذن ف تساوي: تُمنمية وسبعين متر.

Nagwa uses cookies to ensure you get the best experience on our website. Learn more about our Privacy Policy.