تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: قراءة الوقت بالساعات الكاملة، والوقت بنصف الساعة

نهال عصمت

يتناول الفيديو طريقة قراءة وكتابة الساعة بالساعات الكاملة وبنصف الساعة، باستخدام ساعة العقارب والساعة الرقمية، وأمثلة توضح ذلك.

٠٨:٣٥

‏نسخة الفيديو النصية

قراءة الوقت بالساعات الكاملة والوقت بنصف الساعة.

هنعرف إزاي نقرا الوقت بالساعات الكاملة وبنصف الساعة. في البداية عندنا نوعين من الساعات. أول نوع هو ساعة العقارب، وبيبقى بالشكل ده. لو عايزين نقرا ساعة العقارب اللي موجودة قدامنا، هنلاقي إن عقرب الدقايق يشير إلى العدد اتناشر، وعقرب الساعات يشير إلى العدد خمسة. في الحالة دي نقدر نقول إن الساعة الخامسة.

الساعة فيها ستين دقيقة. المسافة بين كل عددين على الساعة خمس دقايق. يبقى لو جينا بدأنا من الواحد، أول حاجة هيبقى الواحد هو خمس دقايق. عندنا الاتنين بتزيد عن الواحد بخمس دقايق؛ يبقى عند الاتنين هيبقى عشرة. هنزود كمان خمسة هيبقى خمستاشر. كمان خمسة هيبقى عشرين. وهكذا هنزود خمسة كمان خمسة وعشرين. كمان خمسة هيبقى تلاتين. خمسة كمان هيبقى خمسة وتلاتين. هنفضل نزود خمسة؛ يبقى خمسة … عفوًا … هيبقى أربعين. بعد كده خمسة وأربعين. اللي بعديها خمسين. زود كمان خمسة؛ خمسة وخمسين. زود كمان خمسة هيبقى ستين.

يبقى هنلاقي المسافة بين كل عددين على الساعة خمس دقايق. يبقى الساعة فيها ستين دقيقة. وهنبدأ نزود خمسة كمان أول ما نبدأ من عند الواحد تاني.

يبقى كده عندنا نوعين من الساعات. أول نوع هي ساعة العقارب، وتاني نوع هي الساعة الرقمية، وبتبقى بالشكل ده. بنكتب في الجزء اللي موجود في الأول الدقائق. وبنكتب في الجزء التاني الساعات. طب لو عايزين نكتب الساعة الخامسة على الساعة الرقمية، هنكتبها إزاي؟ هنبص على عقرب الساعات، هنلاقيه عند خمسة. يبقى هنكتب في الساعات خمسة بالشكل ده. بعد كده عايزين نكتب الدقايق، هنبص على عقرب الدقايق، هنلاقيه موجود عند اتناشر. وعند اتناشر ده معناه ستين دقيقة؛ يعني ساعة كاملة. يبقى نقدر نحط في الدقايق صفر وصفر. يعني الساعة خمسة.

يبقى كده عرفنا إزاي نقرا ونكتب الوقت بالساعات الكاملة. عايزين برضو نعرف نقرا ونكتب الوقت بنصف الساعة، على الساعة العقارب، وعلى الساعة الرقمية.

هنبدأ نجيب صفحة جديدة، ونشوف إزاي.

لو عندنا ساعة العقارب بالشكل ده، وعايزين نقراها. هنلاقي إن عقرب الدقايق يشير إلى العدد ستة، وعقرب الساعات موجود بين العددين خمسة وستة. في الحالة دي نقدر نقول إن الساعة الخامسة والنصف. يبقى كده عرفنا نقرا الوقت بساعة العقارب.

طب عايزين نقرا نفس الوقت بالساعة الرقمية. هنعمله إزاي؟ الساعة الرقمية بتبقى بالشكل ده. هنكتب في الجزء الأول الدقائق. وهنكتب في الجزء التاني الساعات. عندنا عقرب الساعات موجود بين العددين خمسة وستة. يبقى هناخد العدد الأقل اللي هو الخمسة، وهنكتب في الساعات خمسة.

طب عايزين نكتب الدقايق. هنبدأ نشوف عقرب الدقايق بيشير على إيه. بيشير على العدد ستة. طب عايزين نعرف عدد الدقايق عند العدد ستة. هنبدأ من الأول هيبقى عندنا من أول اتناشر بيزيد خمس دقايق؛ بيقى هنا خمسة. نزود كمان خمسة؛ يبقى عشرة. هيزيد كمان خمسة؛ يبقى خمستاشر. وهكذا هنزود خمسة؛ عشرين. بعد كده نزود خمسة كمان؛ خمسة وعشرين. ونزود خمسة عند … لحد ما نوصل للستة؛ هيبقى تلاتين.

يبقى عدد الدقايق عند العدد ستة تلاتين دقيقة. يبقى هنكتب في الدقايق تلاتين. يبقى المسافة بين كل عددين على الساعة خمس دقايق. يبقى كده عرفنا نحسب الدقايق. وعرفنا نكتب الوقت على الساعة الرقمية.

وبكده عرفنا إزاي نقرا ونكتب الوقت بنصف الساعة على الساعة الرقمية، وعلى ساعة العقارب. هنبدأ نجيب صفحة جديدة، ونشوف أمثلة مختلفة.

عايزين نرسم عقرب الدقايق في ساعة العقارب. ونكتب الوقت على الساعة الرقمية.

عندنا الساعة التاسعة والنصف. معنى إن الساعة التاسعة والنصف؛ يعني عقرب الدقايق يشير إلى العدد ستة، وعقرب الساعات يبقى موجود بين العددين تسعة وعشرة. هنبص على ساعة العقارب هنلاقي فعلًا إن عقرب الساعات موجود بين العددين تسعة وعشرة. يبقى عايزين نرسم عقرب الدقايق. يبقى هنرسم عقرب الدقايق يشير إلى العدد ستة بالشكل ده.

بعد كده عايزين نكتب الوقت على الساعة الرقمية. هنكتب في الساعات تسعة؛ عشان عدد الساعات هو تسعة. هنيجي عند الدقايق وعايزين نكتب الدقائق. عندنا عقرب الدقايق يشير إلى العدد ستة. هنلاقي إن الدقايق عند ستة هي … هنبدأ نحسبها، هنا خمس دقايق. هيزيد خمسة كمان؛ هيبقى عشرة. كمان خمسة؛ يبقى خمستاشر. هنزود خمسة كمان؛ هيبقى عشرين. كمان خمسة؛ هيبقى خمسة وعشرين. وعند ستة هتبقى تلاتين.

يبقى عدد الدقايق هو تلاتين. يبقى كده عرفنا نكتب الساعة التاسعة والنصف على الساعة الرقمية. وهي تسعة وتلاتين دقيقة.

هنجيب صفحة جديدة ونشوف مثال تاني. نفس الكلام عايزين نرسم عقرب الدقايق على ساعة العقارب، ونكتب الوقت على الساعة الرقمية. عندنا الساعة تلاتة.

معنى إن الساعة تلاتة؛ يبقى عقرب الساعات يشير إلى العدد تلاتة، وعقرب الدقايق يشير إلى العدد اتناشر. يبقى هنيجي عند الساعة الرقميـ … عفوًا … ساعة العقارب، ونرسم عقرب الدقايق اللي هو العقرب الأطول، يشير إلى العدد اتناشر. يبقى كده رسمنا عقرب الدقايق.

عايزين نبدأ نكتب الوقت على الساعة الرقمية. هنيجي عند خانة أو مكان الساعات، وهنكتب تلاتة؛ عشان عدد الساعات تلاتة. وهنيجي عند مكان الدقايق، وهنكتب صفر وصفر؛ عشان عندنا الوقت بالساعة الكاملة، اللي هي تلاتة، يبقى هنكتب عند الدقايق صفر وصفر.

يبقى كده عرفنا نقرا الوقت بالساعات الكاملة، ونقرا الوقت بنصف الساعة على ساعة العقارب وعلى الساعة الرقمية.