فيديو: إنشاء معادلات أسية في متغيرين

ينخفض عدد الأشخاص الذين يزورون أحد المتاحف بنسبة ٣٪ كل عام. زار المتحف ٥٠٠٠٠ زائر في هذا العام. بفرض أن الانخفاض يستمر بنفس الوتيرة، اكتب معادلة يمكن استخدامها لإيجاد ز، عدد الزائرين في ﻥ سنة.

٠١:٣٨

‏نسخة الفيديو النصية

ينخفض عدد الأشخاص الذين يزورون أحد المتاحف بنسبة تلاتة في المية كل عام. زار المتحف خمسين ألف زائر في هذا العام. بفرض أن الانخفاض يستمرّ بنفس الوتيرة، اكتب معادلة يمكن استخدامها لإيجاد الـ ز، اللي هو عدد الزائرين، في ن سنة.

المعادلة المطلوبة دي من معادلات اللي فيها دوالّ التضاؤل الأُسّي. واللي هي ممكن نمثِّلها بإن الـ ز، اللي هي عدد الزائرين، في ن سنة تساوي أ في، واحد ناقص الـ ر [واحد ناقص الـ ر، أس ن]. حيث الـ أ هي القيمة الابتدائية، والـ ر هي النسبة المئوية للاضمحلال في الفترة الزمنية، اللي هي عندنا هنا ن سنة.

التلاتة في المية هي نسبة الاضمحلال، اللي هي تساوي تلاتة في المية، اللي هنعبّر عنها بتلاتة على مية. يعني تساوي تلاتة من مية. الـ أ اللي هي القيمة الابتدائية، وهنا معطاة بخمسين ألف زائر. يبقى المعادلة المطلوبة لمّا هنعوّض بالقيم دي، الـ ز تساوي خمسين ألف مضروبة في، الواحد ناقص التلاتة من مية، أُس الـ ن، اللي هو عدد السنوات. هتساوي خمسين ألف مضروبة في، الواحد ناقص تلاتة من مية. يعني مضروبة في السبعة وتسعين من مية، أُس الـ ن.

ويبقى هي دي المعادلة اللي بيمكن استخدامها لإيجاد الـ ز، اللي هو عدد الزائرين، في ن سنة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.