فيديو السؤال: مقارنة الكميات التي تتضمن كسورًا الرياضيات

أكمل ٢/١ _ ٣/١ باستخدام< أو >.

٠١:٢٢

‏نسخة الفيديو النصية

أكمل: نُص نقط تُلت، باستخدام أقل من، أو أكبر من.

عندنا نُص وتُلت، عاوزين نكمّل العبارة دي، ونشوف هنحطّ هنا إيه، أكبر من ولّا أصغر من؟ يبقى إحنا كده محتاجين نقارن بين النُّص وبين التُّلت. لو جينا نبصّ على الأعداد اللي فوق شرطة الكسر، هنلاقي هنا واحد، وهنا واحد؛ قدّ بعض بالظبط. طيب لو جينا نبصّ على الأعداد اللي تحت شرطة الكسر، هنلاقي هنا اتنين، وهنا تلاتة؛ يبقى إحنا لمّا نيجي نقارن، هنقارن بين الاتنين والتلاتة، عشان هم اللي مختلفين.

طيب الاتنين الكبيرة ولّا التلاتة؟ التلاتة هي الكبيرة، بس هنا الأعداد موجودة تحت شرطة الكسر، فبنعكس الوضع. يعني إيه بنعكس الوضع؟ يعني الاتنين هي اللي بتكون أكبر من التلاتة، أو بمعنى أصَحّ الكسر اللي فيه اتنين أكبر من الكسر اللي فيه تلاتة؛ فده معناه إن النُّص أكبر من التُّلت، أو واحد على اتنين أكبر من واحد على تلاتة. يبقى إحنا كده كمّلنا العبارة باستخدام أكبر من.

Nagwa uses cookies to ensure you get the best experience on our website. Learn more about our Privacy Policy.