فيديو: إيجاد التفكُّك الصحيح لعددٍ مُعطًى

‏نسخة الفيديو النصية

اختر عملية الجمع التي تساوي خمسة: اتنين زائد اتنين. واحد زائد واحد. واحد زائد تلاتة. واحد زائد اتنين. اتنين زائد تلاتة.

عاوزين نختار عملية الجمع اللي ناتجها بيساوي خمسة. وعندنا الخمس أشكال اللي قدّامنا دول. أول اختيار عندنا هو اتنين زائد اتنين. يعني هناخد الاتنين دول، اتنين أهُم، ونجمع عليهم الاتنين دول. اتنين زائد اتنين إيه؟ واحد، اتنين، تلاتة، أربعة. مش خمسة. اتبقّى لنا دي، لسه ما اتجمعتش. فده معناه إن اتنين زائد اتنين مش بتساوي خمسة، بتساوي أربعة. يبقى هي اختيار مش صح.

طيّب الاختيار اللي بعده، اللي هو ده، واحد زائد واحد. آدي واحد، نجمع عليه الواحد ده، هيَنتج اتنين. مش خمسة. لسه فيه تلاتة هنا ما اتجمعوش. يبقى برضو واحد زائد واحد مش هو اللي بيساوي خمسة. نشوف الاختيار اللي بعده ده، واحد زائد تلاتة. آدي واحد، وهنجمع عليه التلاتة دول. واحد زائد تلاتة إيه؟ واحد، اتنين، تلاتة، أربعة. برضو مجموع واحد زائد تلاتة أربعة، مش خمسة. دي ما اتجمعتش. يبقى ده معناه إن الاختيار ده مش هو اللي صح.

نيجي لرابع اختيار، واحد زائد اتنين. آدي واحد، وهنجمع عليه الاتنين دول. واحد زائد اتنين بيساوي إيه؟ واحد، اتنين، تلاتة. بيساوي تلاتة. ولسه فيه الاتنين دول ما اتجمعوش. يبقى واحد زائد اتنين بيساوي تلاتة، مش خمسة. فيبقى برضو هو اختيار غلط. نيجي لآخر اختيار، اللي هو اتنين زائد تلاتة. آدي الاتنين أهُم، وهنجمع عليهم التلاتة دول. يبقى الناتج: واحد، اتنين، تلاتة، أربعة، خمسة. آه، هم دول اللي الناتج بتاعهم فعلًا خمسة. وتبقى هي دي عملية الجمع اللي الناتج بتاعها بيساوي خمسة؛ اتنين زائد تلاتة. هي دي الإجابة الصح.