فيديو السؤال: حل المسائل الكلامية بضرب عددين مكوَّنين من رقم واحد في العدد ١٠ الرياضيات

توجد طاولتان في إحدى الغرف، على كل طاولة ٣ أكياس. إذا كان كل كيس يحتوي على ١٠ برتقالات، فما عدد البرتقال الموجود في الغرفة؟

٠١:٣٠

‏نسخة الفيديو النصية

توجد طاولتان في إحدى الغرف، على كل طاولة تلات أكياس. إذا كان كل كيس يحتوي على عشر برتقالات، فما عدد البرتقال الموجود في الغرفة؟

يبقى نقدر نمثّل المسألة اللي مكتوبة عندنا دي في الشكل ده. عندنا ترابيزتين، كل ترابيزة عليها تلات أكياس من البرتقال، وكل كيس منهم موجود بداخله عشر برتقالات.

يبقى عشان نجيب كل ترابيزة منهم عليها كام برتقانة، هنضرب عدد أكياس البرتقال اللي على كل ترابيزة، اللي هم زي ما إحنا شايفين تلات أكياس؛ في عدد البرتقالات اللي في كل كيس اللي هو عشرة. وحاصل الضرب ده هيطلع تلاتين، يعني الترابيزة الواحدة أو الطاولة الواحدة هيبقى عليها تلاتين برتقالة.

بس إحنا عندنا طاولتين، والاتنين عليهم عدد متساوي من أكياس البرتقال، وكل كيس من الأكياس برضو بيحتوي عشر برتقالات. يبقى عشان نقدر نوجد عدد البرتقال اللي موجود في الغرفة كله، هنضرب العدد اللي حصلنا عليه من الترابيزة الواحدة، اللي هو تلاتين في اتنين. فيبقى عدد البرتقال اللي موجود في الغرفة، هيبقى حاصل ضرب تلاتين في اتنين، يعني هيساوي ستين، ستين برتقالة.

Nagwa uses cookies to ensure you get the best experience on our website. Learn more about our Privacy Policy.