فيديو: حل المسائل الكلامية التي تتضمن طرح عددين مكوَّنين من أكثر من رقم

إذا تم بناء ٣٣٧٢٦ شقة في محافظةٍ ما خلال سنة. وتم بناء ٤٧٦١٢ شقة في محافظة أخرى في العام نفسه، فما الفرق بين عدد الشقق في المحافظتين في نفس السنة؟

٠٢:٢٦

‏نسخة الفيديو النصية

إذا تم بناء تلاتة وتلاتين ألف سبعمية ستة وعشرين شقة، في محافظةٍ ما، خلال سنة. وتم بناء سبعة وأربعين ألف ستمية واتناشر شقة، في محافظة أخرى، في العام نفسه. ما الفرق بين عدد الشقق في المحافظتين، في نفس السنة؟

الفرق بين عدد الشقق في المحافظتين، هيبقى عبارة عن سبعة وأربعين ألف ستمية واتناشر، وده عدد الشقق اللي كان تم بناؤه في أحد المحافظات. ناقص تلاتة وتلاتين ألف سبعمية ستة وعشرين، وده عدد الشقق اللي تم بناؤه في محافظة أخرى. هنجري عملية الطرح اللي عندنا ده رأسيًّا. هنحطّ العددين تحت بعض. وناخد بالنا نخلّي الآحاد تحت الآحاد، والعشرات تحت العشرات، وهكذا … وهنبدأ الطرح من خانة الآحاد.

اتنين ناقص ستة. مش هينفع نطرح الستة من الاتنين؛ عشان الستة أكبر من الاتنين. فهناخد من خانة العشرات واحد، فيصبح فيها صفر. أمّا خانة الآحاد، فيبقى فيها دلوقتي اتناشر. دلوقتي نقدر نطرح اتناشر ناقص ستة. يبقى ناتج الطرح ستة.

خانة العشرات دلوقتي في العدد اللي فوق، بقى فيها صفر. عايزين نقول صفر ناقص اتنين. مش هينفع نطرح الاتنين من الصفر؛ عشان الاتنين أكبر من الصفر. هناخد من خانة المئات اللي فيها ستة، واحد. فيصبح فيها خمسة. وخانة العشرات دلوقتي يبقى فيها عشرة. دلوقتي نقدر نطرح عشرة ناقص اتنين، يبقى ناتج الطرح تمنية.

نبتدي نطرح الأرقام اللي في خانة المئات. خمسة ناقص سبعة. برضو ما ينفعش؛ عشان السبعة أكبر من الخمسة. يبقى هنروح خانة الآلاف، فيها سبعة هناخد منها واحد، فيصبح فيها ستة. والخمسة اللي في خانة المئات هيبقى فيها خمستاشر. دلوقتي نقدر نطرح خمستاشر ناقص سبعة، يبقى ناتج الطرح تمنية.

وبعدين نطرح الأرقام اللي في خانة الآلاف. ستة ناقص تلاتة، هيبقى ناتج الطرح تلاتة. وبعدين نطرح الأرقام اللي في الآلاف. يبقى أربعة ناقص تلاتة، ناتج الطرح واحد. يبقى كده ناتج الطرح تلتاشر ألف ستمية تمنية وتمانين [تلتاشر ألف تمنمية ستة وتمانين]. ويبقى كده قدرنا نوجد الفرق بين عدد الشقق في المحافظتين، إنه هيبقى تلتاشر ألف تمنمية ستة وتمانين شقة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.