تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحويل الكسور غير الفعلية إلى أعداد كسرية في المسائل الكلامية

نهال عصمت

لدى رانيا حقيبة تسوُّق تزن ٧/٥١ رطل. عبِّر عن وزن الحقيبة في صورة عدد كسري.

٠٢:٥٥

‏نسخة الفيديو النصية

لدى رانيا حقيبة تسوُّق تَزِن واحد وخمسين على سبعة رطل. عبّر عن وزن الحقيبة في صورة عدد كسري.

عندنا في السؤال وزن الحقيبة، وهو واحد وخمسين على سبعة، مكتوب على صورة كسر غير فعلي. يعني كسر متكوّن من بسط ومقام. بس البسط أكبر من المقام. وفعلًا الواحد وخمسين أكبر من السبعة. وعايزين نكتب الكسر الغير الفعلي، على صورة عدد كسري. يعني عدد وكسر.

إزّاي نحوّل الكسر غير الفعلي، اللي هو واحد وخمسين على سبعة، إلى عدد كسري. هنبدأ نقسم قسمة مطوّلة. هنكتب هنا الواحد وخمسين، وهنكتب هنا السبعة. هنبدأ ناخد أول عدد ناحية الشمال، وهو الخمسة. خمسة على سبعة؛ خمسة صغيرة ما ينفعش نقسمها على سبعة. يبقى هنحطّ صفر، وناخد العدد اللي بعديها. واحد وخمسين على سبعة. كام في سبعة، يدّينا واحد وخمسين أو أقل؟

هنبدأ نجرّب. خمسة في سبعة، بخمسة وتلاتين. طب فيه عدد أقرب من الخمسة وتلاتين، للواحد وخمسين؟ آه فيه. طب نجرّب تاني. ناخد الستة. ستة في سبعة، باتنين وأربعين. طب في حاجة أقرب؟ آه فيه، سبعة. سبعة في سبعة، بتسعة وأربعين. طب تعالوا نجرّب السبعة. سبعة في سبعة، بتسعة وأربعين.

طب فيه حاجة أقرب تاني؟ نجرب التمنية. تمنية في سبعة، نكتب تمنية. تمنية في سبعة، بستة وخمسين. ستة وخمسين أكبر من الواحد وخمسين. لأ إحنا عايزين عدد أصغر من الواحد وخمسين. يبقى اختيار السبعة، هو الأفضل. يبقى نختار سبعة. سبعة في سبعة، بتسعة وأربعين.

بعد كده نطرح. واحد ناقص تسعة، مش هينفع. هنستلف من اللي جنبها، اللي جنبها هتبقى أربعة، والواحد هتبقى حداشر. حداشر ناقص تسعة، باتنين. وأربعة ناقص أربعة، صفر.

إزّاي نقدر نكتبها على صورة عدد كسري؟ هناخد السبعة اللي فوق، وهنكتبها كعدد صحيح. يبقى هنكتبها هنا، سبعة. وعندنا المقام هينزل زيّ ما هو، سبعة. والباقي هنكتبه في البسط. يبقى هنكتب اتنين في البسط. يبقى وزن الحقيبة، على صورة عدد كسري، هو سبعة واتنين على سبعة. يبقى الإجابة بتاعتنا سبعة رطل واتنين على سبعة.