فيديو: كتابة معادلات الطرح للمسائل الكلامية المُمثَّلة بصور

كان في هذه الحديقة ٥ زهرات. بعد ذلك، قطفت إنجي زهرتين. كم زهرة متبقية في الحديقة؟ [أ] ٥ − ٣ = ٢ [ب] ٥ + ٢ = ٣ [ج] ٥ − ٢ = ٣

٠٢:٢٢

‏نسخة الفيديو النصية

كان في هذه الحديقة خمس زهرات. بعد ذلك، قطفت إنجي زهرتين. كم زهرة متبقِّية في الحديقة؟ خمسة ناقص تلاتة تساوي اتنين. خمسة زائد اتنين تساوي تلاتة. خمسة ناقص اتنين تساوي تلاتة.

السؤال بيقول لنا إيه؟ إن كان عندنا في الجنينة أو الحديقة اللي قدامنا دي خمس زهرات. عددهم كلهم خمسة. جات بنت اسمها إنجي وخدت زهرتين. فعاوزين نعرف اتبقّى عندنا في الحديقة كام زهرة. وعاوزين نكتب معادلة الطرح اللي بتمثّل الكلام ده. ونشوف هل هي أيّ معادلة من المعادلات اللي قدامنا دي.

طيب إحنا قلنا: إن الحديقة كلها فيها خمس زهرات. آدي الخمسة. وجات إنجي خدت منهم، يعني هننقَّص منهم، زهرتين اتنين. فهيتبقَّى لنا كام زهرة؟ ده اللي إحنا عاوزين نعرفه. عدد الأزهار المتبقِّية في الحديقة.

طيب تعالوا كده نبصّ على الرسمة اللي عندنا. إحنا عندنا إيه؟ واحد، اتنين، تلاتة، أربعة، خمسة. آدي الخمس أزهار. حلو جدًّا. هنشيل منهم اتنين. اللي هم مين؟ اللي هم الزهرة دي، والزهرة دي. دول اللي إنجي قطفتهم وشالتهم بعيد. إيه بقى اللي هيتبقّى لنا، واللي هيكون لسه ما اتقطفش؟ هم دول اللي هيتبقوا لنا. طيب هم دول كام؟ كام زهرة؟ تعالوا نعدّهم. واحد، اتنين، تلاتة. يبقى معنى كده إن الباقي اللي هيكون عندنا هو إيه؟ تلاتة.

تبقى خمسة ناقص اتنين تساوي تلاتة. وهي دي المعادلة بتاعة الطرح، اللي بتمثّل لنا اللي حصل. آدي دول كلهم الخمس أزهار. وشيلنا منهم الزهرتين دول. فهيتبقى لنا التلات أزهار دول.

يبقى عندنا الإجابة هتكون خمسة ناقص اتنين تساوي تلاتة. وهي أيّ واحد في الاختيارات اللي عندنا، أو أيّ اختيار؟ هنلاقيه هو الاختيار ده: خمسة ناقص اتنين تساوي تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.