فيديو السؤال: إيجاد احتمال حدث مركب في تجربة إلقاء حجر نرد الرياضيات

عند إلقاء حجر نرد، أوجد احتمال الحصول على عدد أولي.

٠١:١٦

‏نسخة الفيديو النصية

عند إلقاء حجر نرد، أوجد احتمال الحصول على عدد أوّلي.

وخلينا نفتكر إن حجر النرد هو مكعب الأرقام، وهو بيبقى عبارة عن مكعب له ستة أوجُه مرقّمة من واحد إلى ستة. فبالتالي لمّا نلقي حجر نرد، هيبقى جميع الاحتمالات اللي ممكن نحصل عليها هي: واحد، واتنين، وتلاتة، وأربعة، وخمسة، وستة؛ فبالتالي هتبقى هي دي جميع النتائج الممكنة واللي عددهم ستة. فبالتالي عشان نوجد احتمال الحصول على عدد أوّلي، خلينا في الأول نشوف الأعداد الأوّلية اللي عندنا.

فهنلاحظ إن العدد اتنين عدد أوّلي، وبرضو العدد تلاتة والعدد خمسة؛ فبالتالي هيبقى احتمال الحصول على عدد أوّلي بيساوي النسبة بين عدد مرات ظهور عدد أوّلي اللي هو تلاتة، وعدد الأوجُه الكلي اللي هو ستة؛ فبالتالي هيبقى احتمال الحصول على عدد أوّلي بيساوي تلاتة على ستة.

ونقدر نبسط الكسر تلاتة على ستة عن طريق إننا نقسم البسط والمقام على تلاتة. فلمّا نقسم في البسط تلاتة على تلاتة هتبقى بتساوي واحد، وأمّا المقام هنقسم ستة على تلاتة واللي هتساوي اتنين؛ فبالتالي هيبقى احتمال الحصول عدد أوّلي عند إلقاء حجر نرد هو: واحد على اتنين.

Nagwa uses cookies to ensure you get the best experience on our website. Learn more about our Privacy Policy.