نسخة الفيديو النصية
اكتب المقدار الذي يعبّر عن مجموع العددين س وأربعة، مقسومين على ستة.
فعشان نقدر نكتب المقدار، خلّينا في الأول نقرا السؤال كلمة كلمة؛ فأول حاجة، عايزين نكتب المقدار اللي بيعبّر عن مجموع العددين س وأربعة، ومجموع العددين س وأربعة معناها س زائد أربعة.
بعد كده هنكمّل قراية السؤال: مقسومين على ستة؛ فمعنى كده إن مجموع العددين س وأربعة مقسومين على ستة، يعني المجموع هو اللي مقسوم على ستة؛ فمعنى كده إن المجموع، اللي هو س زائد أربعة، هنقسمه على ستة؛ وبالتالي هيبقى المقدار اللي عايزين نكتبه هو: س زائد أربعة، على ستة.
