نسخة الفيديو النصية
يراد رسم مستطيل محيطه ست سنتيمترات على تلك الشبكة، بحيث يكون كل ركن من أركان المستطيل على واحدة من تلك النقاط. كم مستطيلًا يمكن رسمه؟
بما إن محيط المستطيل بيساوي اتنين، في الطول زائد العرض، وبما إن هو معطى في السؤال بستة سنتيمتر، فممكن نقسِم الطرفين على اتنين؛ فنستنتج إن الطول زائد العرض في المستطيل هيساوي ستة على اتنين، يعني هيساوي تلاتة سنتيمتر.
وبما إن كل ركن من أركان المستطيل لازم يكون على واحدة من تلك النقاط؛ فده معناه إن لازم الطول يكون اتنين سنتيمتر، والعرض يكون واحد سنتيمتر.
فنبدأ نحدد على الشكل المستطيلات اللي ممكن نرسمها بالطول، فهنلاقي إن عندنا أربع مستطيلات طولية. بعدين نحدد المستطيلات اللي ممكن نرسمها بالعرض، فهنلاقي إن بالطريقة دي عندنا أربع مستطيلات عرضية، بالإضافة لمستطيلين عرضيين ممكن نرسمهم بالصورة دي.
يبقى عدد المستطيلات العرضية هيساوي ستة مستطيلات. يبقى عدد المستطيلات الكلي هيساوي أربعة زائد ستة، يعني هيساوي عشر مستطيلات.
