فيديو: ترتيب مجموعة من الأعداد الكسرية

رتب ٣/٢ ١، ٢/١ ٢، ٧/١ ٢ ترتيبًا تصاعديًّا.

٠٣:٤٠

‏نسخة الفيديو النصية

رتب: واحد واتنين على تلاتة، اتنين وواحد على اتنين، اتنين وواحد على سبعة، ترتيبًا تصاعديًّا.

بما إن مقامات الأعداد التلاتة مختلفة، فعشان نقدر نقارن ما بينها محتاجين نوحَّد المقامات، فهنوجد المضاعف المشترك الأصغر للأعداد تلاتة واتنين وسبعة، وبما إن الأعداد التلاتة هي أعداد أولية؛ يبقى المضاعف المشترك الأصغر ليهم هيساوي حاصل ضربهم، يبقى المضاعف المشترك الأصغر هيساوي اتنين في تلاتة في سبعة، فأول حاجة هنستخدم خاصية الدمج عشان نضرب اتنين في تلاتة في الأول، فده هيساوي اتنين في تلاتة بيساوي ستة في سبعة، وستة في سبعة بيساوي اتنين وأربعين، يبقى هنخلي مقام التلت كسور بيساوي اتنين وأربعين، فهنقسم اتنين وأربعين على الأعداد التلاتة، عشان نشوف محتاجين نضرب كل كسر في كام، فهنلاقي إن اتنين وأربعين على تلاتة بيساوي أربعتاشر، واتنين وأربعين على اتنين بيساوي واحد وعشرين، واتنين وأربعين على سبعة بيساوي ستة؛ فبالتالي العدد الكسري الأول واحد واتنين على تلاتة هيساوي واحد، بالنسبة للكسر هنضرب البسط والمقام في أربعتاشر، فيبقى تلاتة في أربعتاشر، واتنين في أربعتاشر، فده هيساوي: واحد … اتنين في أربعتاشر يساوي تمنية وعشرين، وتلاتة في أربعتاشر بيساوي اتنين وأربعين؛ يعني واحد وتمنية وعشرين على اتنين وأربعين، والعدد التاني: اتنين وواحد على اتنين، هيساوي اتنين … نضرب البسط والمقام في واحد وعشرين، يبقى واحد في واحد وعشرين، واتنين في واحد وعشرين، ده هيساوي اتنين، وواحد وعشرين على اتنين وأربعين، العدد التالت: اتنين وواحد على سبعة، هيساوي اتنين … نضرب البسط والمقام في ستة، يبقى واحد في ستة، وسبعة في ستة، ده هيساوي اتنين، وستة على اتنين وأربعين.

وعشان نقارن التلات أعداد، أول حاجة هنقارن الجزء الصحيح من الأعداد، بعدين نقارن الجزء الكسري من الأعداد، فهنقدر نلاحظ إن الواحد هو أصغر عدد، يبقى أصغر عدد في التلات أعداد هو واحد وتمنية وعشرين على اتنين وأربعين، العددين الباقيين الجزء الصحيح منهم بيساوي اتنين، فهنقارن الجزء الكسري منهم، هنلاقي إن البسط في الكسر الأول منهم هو واحد وعشرين، والبسط في الكسر التاني منهم هو ستة، وبما إن ستة أصغر من واحد وعشرين، فهيبقى العدد اللي بعد كده هو اتنين وستة على اتنين وأربعين، بعد كده اتنين وواحد وعشرين على اتنين وأربعين، نرجع الأعداد لصورتها الأصلية، فيبقى العدد الأول هو واحد واتنين على تلاتة، والعدد التاني هو اتنين وواحد على سبعة، والعدد التالت هو اتنين وواحد على اتنين، وهو ده الترتيب التصاعدي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.