تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: فك المقادير المعقدة المُكوَّنة من قوسين

أحمد لطفي

فُك المقدار ٧(٢ﺱ + ٥) − ٤(٢ﺱ + ٨) واختصره.

٠١:٤٠

‏نسخة الفيديو النصية

فُك المقدار سبعة مضروبة في اتنين س زائد خمسة ناقص أربعة مضروبة في اتنين س زائد تمنية، واختصره.

في البداية عشان نقدر نفك المقدار فهضرب السبعة في كل حد بداخل القوس اللي مضروبة فيه، وأيضًا هنضرب السالب أربعة في كل حد بداخل القوس اللي مضروبة فيه. فالمقدار هيساوي سبعة مضروبة في اتنين س زائد سبعة مضروبة في خمسة زائد سالب أربعة مضروبة في اتنين س زائد سالب أربعة مضروبة في تمنية؛ يعني المقدار هيساوي سبعة مضروبة في اتنين س هيساوي أربعتاشر س، وسبعة مضروبة في خمسة هيساوي خمسة وتلاتين يبقى هنكتب زائد خمسة وتلاتين، وسالب أربعة مضروبة في اتنين س هيساوي سالب تمنية س فهنكتب ناقص تمنية س، وسالب أربعة مضروبة في تمنية هيساوي سالب اتنين وتلاتين فهنكتب ناقص اتنين وتلاتين.

هنجمّع الحدود المتشابهة مع بعض، فالمقدار هيساوي أربعتاشر س ناقص تمنية س زائد خمسة وتلاتين ناقص اتنين وتلاتين، يعني المقدار هيساوي أربعتاشر س ناقص تمنية س. هنطرح تمنية من الأربعتاشر فهيساوي عندنا ستة، وهنكتب الـ س مرة واحدة، يعني أربعتاشر س ناقص تمنية س هيساوي ستة س، زائد، خمسة وتلاتين ناقص اتنين وتلاتين هيساوي تلاتة.

وبالتالي المقدار بعد فكُّه واختصاره هيساوي ستة س زائد تلاتة.