فيديو السؤال: تحديد المربع الكامل الثلاثي الرياضيات

أيٌّ من التالي مربع كامل؟ [أ] س^٢ − ١٨س + ٨١ [ب] س^٢ + ٨١ [ج] س^٢ − ٩س + ٨١ [د] س^٢ − ٨١ [ﻫ] س^٢ − ١٨س − ٨١

٠٢:١٩

‏نسخة الفيديو النصية

أيٌّ من التالي مربعٌ كامل؟ أ: س تربيع ناقص تمنتاشر س زائد واحد وتمانين. ب: س تربيع زائد واحد وتمانين. ج: س تربيع ناقص تسعة س زائد واحد وتمانين. د: س تربيع ناقص واحد وتمانين. ﻫ: س تربيع ناقص تمنتاشر س ناقص واحد وتمانين.

عشان نعرف إذا كان المقدار بيمثّل مربع الكامل ولّا لأة. فأول حاجة بنتأكّد إن الحدّ الأول والحدّ الأخير، بيمثلوا مربعين كاملين. فبالتالي من البداية نقدر نستبعد الإجابة د، والإجابة ﻫ؛ لأن الحدّ الأخير فيهم سالب.

بعد كده هنلاحظ إن الإجابات أ، وَ ب، وَ ج الحدّ الأول فيهم هو س تربيع، والحد الأخير فيهم هو واحد وتمانين. والجذر التربيعي لِـ س تربيع بيساوي موجب أو سالب س. والجذر التربيعي لواحد وتمانين بيساوي موجب أو سالب تسعة. وبالتالي الحدّ الأول والحد الأخير بيمثّلوا مربعات كاملة.

بعد كده لازم نتأكّد إن الحدّ الأوسط بيساوي اتنين في الجذر التربيعي للحدّ الأول، في الجذر التربيعي للحدّ الأخير. ده هيساوي اتنين في موجب أو سالب س، في موجب أو سالب تسعة. فبالنظر للإجابات، نقدر نستبعد الإجابة ب؛ لأن الحدّ الأوسط فيها بيساوي صفر. ونقدر نستبعد الإجابة ج؛ لأن الحدّ الأوسط فيها بيساوي سالب تسعة س.

وهتبقى الإجابة الصحيحة هي الإجابة أ؛ لأن حاصل ضرب اتنين في س في سالب تسعة، هيساوي سالب تمنتاشر س. أو اتنين في سالب س في تسعة، برضو هيساوي سالب تمنتاشر س. تبقى الإجابة الصحيحة هي: س تربيع ناقص تمنتاشر س زائد واحد وتمانين.

Nagwa uses cookies to ensure you get the best experience on our website. Learn more about our Privacy Policy.