تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد عجلة جسم على مستوًى مائل أملس

أحمد لطفي

إذا وُضع جسم كتلته ٣ كجم على مستوى أملس يميل على الأفقي بزاوية قياسها ١٧°، وتُرك ليتحرك بحرية، فأوجد عجلته. [أ] ٩٫٣٧ م/ث^٢ [ب] ١٫٤٣ م/ث^٢ [ج] ٨٫٦ م/ث^٢ [د] ٢٫٨٧ م/ث^٢

٠٢:٣٧

‏نسخة الفيديو النصية

إذا وضع جسم كتلته تلاتة كيلوجرام على مستوى أملس يميل على الأفقي بزاوية قياسها سبعتاشر درجة، وتُرك ليتحرك بحرية، فأوجد عجلته.

معطى أربع اختيارات؛ أول اختيار اللي هو اختيار: أ إن العجلة هتكون تسعة وسبعة وتلاتين من مية متر عَ الثانية تربيع، تاني اختيار اللي هو اختيار ب هيكون إن العجلة بتساوي واحد وتلاتة وأربعين من مية متر عَ الثانية تربيع، الاختيار ج إن العجلة بتساوي تمنية وستة من عشرة متر عَ الثانية تربيع، الاختيار د إن العجلة بتساوي اتنين وسبعة وتمانين من مية متر عَ الثانية تربيع.

في البداية هنمثّل الجسم عَ المستوى الأملس بالشكل ده، وبما إن معطى إن الجسم كتلته تلاتة كيلوجرام فعشان نعبّر عن الكتلة في صورة قوة فهتكون تلاتة في تسعة وتمنية من عشرة. أول خطوة محتاجين نحلل القوة اللي بتمثل كتلة الجسم إلى مركِّبتين: مركبة هتكون في نفس المستوى الأملس، والمركِّبة الأخرى هتكون عمودية عَ المستوى الأملس، وهنلاحظ إن الزاوية بين القوة اللي بتمثل كتلة الجسم والمركِّبة اللي بتكون عمودية عَ المستوى الأملس هي سبعتاشر درجة؛ وبالتالي المركِّبة اللي بتكون عمودية عَ المستوى الأملس هتكون تلاتة في تسعة وتمنية من عشرة جتا سبعتاشر درجة، والمركِّبة اللي بتكون في نفس اتجاه المستوى الأملس هتكون تلاتة في تسعة وتمنية من عشرة جا سبعتاشر درجة، وعشان نقدر نوجد عجلة الجسم، فهنقول إن القوة بتساوي الكتلة في العجلة.

وبما إن القوة الوحيدة اللي بتأثر على الجسم هي تلاتة في تسعة وتمنية من عشرة جا سبعتاشر درجة، اللي هي مركِّبة القوة اللي بتمثل وزن الجسم في نفس اتجاه المستوى الأملس؛ فهنعوّض عن القوة بتلاتة في تسعة وتمنية من عشرة جا سبعتاشر درجة، هتساوي … كتلة الجسم هي تلاتة كيلوجرام في العجلة؛ وبالتالي لو عايزين نوجد العجلة هنقسم الطرفين على تلاتة، فهيكون عندنا العجلة هتساوي تلاتة في تسعة وتمنية من عشرة جا سبعتاشر درجة الكل مقسوم على تلاتة؛ وبالتالي العجلة تقريبًا هتساوي اتنين وسبعة وتمانين من مية متر عَ الثانية مربع.

ويبقى كده قدرنا نوجد عجلة الجسم اللي هي بتُعتبر الاختيار د.