فيديو السؤال: حساب النسب المئوية التي تصف تغيُّرًا في الكمية، وإيجاد إذا ما كان التغيُّر يمثِّل زيادةً أو نقصانًا الرياضيات

أوجد نسبة التغيُّر من ٢/١ إلى ٣/٢ لأقرب نسبة مئوية صحيحة، وحدِّد إذا ما كان التغيُّر في النسبة زيادةً أم نقصانًا.

٠٢:٥٦

‏نسخة الفيديو النصية

اوجد نسبة التغير من واحد على اتنين إلى اتنين على تلاتة، لأقرب نسبة مئوية صحيحة، وحدد إذا ما كان التغير في النسبة زيادة أو نقصانًا.

بنبدأ أول حاجة نكتب قانون حساب نسبة التغير، بنلاقي إن نسبة التغير يمكن حسابها كالتالي؛ القيمة الحالية ناقص القيمة الأصلية على القيمة الأصلية. بنبدأ نعوّض عن القيمة الحالية، اللي هي عبارة عن اتنين على تلاتة، لأن التغير حصل من واحد على الاتنين إلى اتنين على تلاتة؛ يبقى القيمة الحالية اتنين على تلاتة، ناقص القيمة الأصلية واحد على اتنين، على القيمة الأصلية اللي هي واحد على اتنين.

بعد كده هنطرح اتنين على التلاتة ناقص واحد على الاتنين، فبنلاقي إن فيه مقام مشترك أصغر بين الكسرين، وهو عبارة عن ستة، فبنقسم ستة على المقام الأول، اللي هو تلاتة، يبقى اتنين، اتنين في البسط باتنين، ناقص … ستة على الاتنين بنلاقي إن الناتج تلاتة، بنضرب تلاتة في البسط، اللي هو واحد، يبقى تلاتة في واحد؛ كل ده على واحد على الاتنين.

بنكمل بعد كده، ويبقى اتنين في اتنين عبارة عن أربعة، ناقص تلاتة في واحد يبقى ناقص تلاتة، على ستة، على، واحد على الاتنين، يبقى الناتج هيكون أربعة ناقص تلاتة بواحد، على ستة، على، واحد على الاتنين.

بعد كده هنغيّر علامة القسمة، هتتحوّل لضرب، يبقى واحد على ستة في … هنقلب واحد على الاتنين، تبقى اتنين على واحد، هنلاقي إن فيه عامل مشترك أكبر بين الاتنين والستة، وهو الاتنين؛ اتنين على الاتنين الناتج بواحد، ستة على الاتنين بيكون الناتج بتلاتة؛ يبقى الناتج عندنا هيبقى عبارة عن واحد على التلاتة، ودي عبارة عن نسبة التغير.

بعد كده لإيجاد نسبة التغير كنسبة مئوية، بنلاقي إن الناتج هيكون عبارة عن واحد على تلاتة مضروبة في مية. باستخدام الآلة الحاسبة، هنلاقي إن نسبة التغير كنسبة مئوية هتساوي تقريبًا تلاتة وتلاتين في المية.

بعد كده بنلاقي إن نسبة التغير عندنا موجبة، زي ما إحنا شايفين واحد على التلاتة، وبكده بيكون التغير في النسبة هو زيادة؛ يبقى بنكتب كده: نسبة التغير تلاتة وتلاتين في المية، والتغير في النسبة زيادة.

Nagwa uses cookies to ensure you get the best experience on our website. Learn more about our Privacy Policy.