فيديو السؤال: إيجاد معادلة محور تماثُل الدالة التربيعية الرياضيات

نسخة الفيديو النصية

أوجد محور تماثل منحنى الدالة د س بتساوي أربعة س تربيع زائد أربعة س ناقص تلاتة.

في البداية لو عندنا دالة تربيعية على الصورة ر س بتساوي أ س تربيع زائد ب س زائد ج، فلو عايزين نوجد محور التماثُل للدالة ر س، هيكون عبارة عن س بتساوي سالب ب على اتنين أ؛ حيث ب هو معامل س، و أ هو معامل س تربيع؛ وبالتالي بالنسبة للدالة المُعطاه د س أربعة س تربيع زائد أربعة س ناقص تلاتة، فعندنا مُعامل س تربيع هنرمز له بالرمز أ اللي هو أربعة، ومُعامل س هنرمز له بالرمز ب اللي هو أربعة، والحد الثابت هنرمز له بالرمز ج اللي هو سالب تلاتة؛ وبالتالي لو عايزين نوجد محور التماثل فهيكون س بتساوي سالب ب على اتنين أ؛ يعني سالب أربعة، على اتنين في أربعة، يعني محور التماثل هيكون س بتساوي سالب أربعة على تمنية، يعني محور التماثل هيكون س بتساوي سالب واحد على اتنين، يبقى كده قدرنا نوجِد محور تماثل منحنى الدالة د س، وكان س بيساوي سالب واحد على اتنين.