فيديو السؤال: استخدام ترتيب العمليات الحسابية لإيجاد قيم المقادير العددية التي تتضمَّن أسسًا الرياضيات

احسب ٤^٣ − (٩ ÷ ٣)^٢ + ١٥.

٠١:٥٧

‏نسخة الفيديو النصية

احسب: أربعة تكعيب، ناقص تسعة على تلاتة الكل تربيع، زائد خمسة عشر.

أول حاجة محتاجين نعرف ترتيب إجراء العمليات.

ترتيب إجراء العمليات هو؛ واحد: إجراء العمليات داخل الأقواس. اتنين: إيجاد قيم القوى. تلاتة: عمليات الضرب والقسمة بالترتيب من اليمين إلى اليسار. أربعة: عمليات الجمع والطرح بالترتيب من اليمين إلى اليسار.

يبقى أول حاجة هنشوف العمليات اللي داخل الأقواس؛ فنوجد قيمة تسعة على تلاتة. تسعة على تلاتة بيساوي تلاتة. وبالتالي المقدار هيبقى: أربعة تكعيب ناقص تلاتة تربيع زائد خمستاشر.

بعد كده بنوجد قيم القوى؛ بمعنى إننا هنوجد قيمة أربعة تكعيب، وتلاتة تربيع. أربعة تكعيب بيساوي أربعة وستين. وتلاتة تربيع بيساوي تسعة. وبالتالي المقدار هيبقى على الصورة: أربعة وستين ناقص تسعة زائد خمستاشر.

بعد كده هنُجري عمليات الجمع والطرح من اليمين إلى اليسار. فأول حاجة نحسب أربعة وستين ناقص تسعة. فأربعة وستين ناقص تسعة هيساوي خمسة وخمسين. وبالتالي المقدار هيبقى: خمسة وخمسين زائد خمستاشر. وخمسة وخمسين زائد خمستاشر بيساوي سبعين.

يبقى أربعة تكعيب، ناقص تسعة على تلاتة الكل تربيع، زائد خمستاشر؛ بيساوي سبعين.

Nagwa uses cookies to ensure you get the best experience on our website. Learn more about our Privacy Policy.