فيديو: إنشاء معادلات تربيعية بمتغيِّر واحد

صورة فوتوغرافية مستطيلة أبعادها ٦ سم، ٤ سم، سيتم عرضها في بطاقة موضوعة في إطار مستطيل كما هو موضح بالشكل. اكتب معادلة يمكن استخدامها لإيجاد ﺱ التي تمثِّل عرض الإطار الخارجي إذا كانت مساحته ٦٤ سم^٢. [أ] (٣ + ٢س)(٦ − ٥س) − ٢١ = ٣٢ [ب] (٤ + ٢س)(٦ + ٢س) − ٢٤ = ٦٤ [ج] (٧ + ٢س)(٥ + ٢س) − ١٣ = ٦٤ [د] (٩ + ٥س)(٣ + ٧س) − ١٥ = ١٨ [ﻫ] (٥ + ٢س)(٧ − ٢س) − ٢٤ = ٢٨

٠٣:٢٣

‏نسخة الفيديو النصية

صورة فوتوغرافية مستطيلة. أبعادها ستة سنتيمتر، وأربعة سنتيمتر. سيتمّ عرضها في بطاقة موضوعة في إطار مستطيل، كما موضّح بالشكل. اكتب معادلة يمكن استخدامها لإيجاد س، التي تمثّل عرض الإطار الخارجي. إذا كانت مساحته أربعة وستين سنتيمتر مربع.

بنلاقي عندنا مجموعة من المعادلات. المفروض إننا نختار الإجابة الصحيحة من بين هذه المعادلات. بنلاقي عندنا إن دي عبارة عن الصورة. المستطيل اللي إحنا شايفينه ده، أبعاده ستة سنتيمتر، في أربعة سنتيمتر. وده عبارة عن الإطار مستطيل الشكل. وبنلاقي إن س بتعبّر عن عرض الإطار الخارجي. والإطار الخارجي ده، اللي إحنا شايفينه أو بنظلله ده … الإطار الخارجي ده مساحته أربعة وستين سنتيمتر مربع.

لو بصينا عَ الشكل الموضّح. بنلاقي إننا لو طرحنا مساحة الإطار، اللي إحنا شايفينه ده. المستطيل الكبير ناقص مساحة الصورة. هنلاقي عندنا إن الناتج هيكون عبارة عن مساحة الإطار الخارجي المظلل. يبقى بنكتب كده: مساحة الإطار الخارجي بتساوي مساحة الإطار المستطيل ناقص مساحة الصورة. وبما إن الإطار مستطيل، والصورة أيضًا مستطيلة، فلازم نكتب القانون المستخدَم لحساب مساحة المستطيل. مساحة المستطيل بتساوي الطول في العرض.

يبقى بالتعويض عن مساحة الإطار الخارجي بأربعة وستين، تساوي … مساحة الإطار المستطيل، اللي إحنا شايفينه ده … يبقى بنلاقي أول حاجة إن طوله عبارة عن س زائد ستة زائد س. يبقى بنكتب كده: طوله ستة زائد اتنين س. في عرضه، بنلاقي إن عرضه عبارة عن س زائد أربعة زائد س. يبقى بنكتب أربعة زائد اتنين س. ناقص مساحة الصورة. زي ما شُفنا قبل كده إن أبعاد الصورة الفوتوغرافية ستة سنتيمتر وأربعة سنتيمتر. يبقى بنكتب كده: ستة في أربعة.

وبالتالي شكل المعادلة هيكون عبارة عن: أربعة وستين تساوي ستة زائد اتنين س، في أربعة زائد اتنين س، ناقص أربعة وعشرين. بعد كده هنكتب المعادلة، بنفس الصورة المكتوب عليها الاختيارات. يعني هنخلّي العدد يكون في الطرف الشمال. يبقى شكل المعادلة، زيّ ما إحنا شايفين كده.

بعد كده بنشوف أيّ الاختيارات التالية هو الاختيار الصحيح. فبنلاحظ إن الاختيار ب هو الاختيار الصحيح. يبقى المعادلة اللي يمكن استخدامها، عشان نقدر نوجد قيمة س، هي الاختيار ب. والإجابة عبارة عن: أربعة زائد اتنين س، في ستة زائد اتنين س، ناقص أربعة وعشرين، تساوي أربعة وستين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.