فيديو: كتابة وحل معادلات خطية للجمع

يلعب نبيل وفادي لعبة فيديو. سجَّل فادي نقاطًا أكثر من نبيل بـ ٥٨٩٥٩ نقطة. إذا كان مجموع نقاطهما ٨٦‎‎٩٠٥، فاكتب معادلة لإيجاد عدد النقاط التي حقَّقها نبيل، وحُلَّها.

٠٥:١٧

‏نسخة الفيديو النصية

يلعب نبيل وفادي لعبة فيديو. سجَّل فادي نقاطًا أكثر من نبيل بتمنية وخمسين ألف تسعمية تسعة وخمسين نقطة. إذا كان مجموع نقاطهما ستة وتمانين ألف تسعمية وخمسة، فاكتب معادلة لإيجاد عدد النقاط التي حقَّقها نبيل، وحُلَّها.

السؤال بيقول لنا إن فيه ولدين، نبيل وفادي، كانوا بيلعبوا ألعاب فيديو. وجِه فادي سجّل نقط أعلى من اللي نبيل عملها. أعلى منه بقدّ إيه؟ بتمنية وخمسين ألف تسعمية تسعة وخمسين نقطة. فبيقول لنا لو كان مجموع نقاطهم هم الاتنين، كل اللي جابوه مع بعض، ستة وتمانين ألف تسعمية وخمسة نقطة. فعاوزين نعرف معادلة. يبقى أول مطلوب عندنا مطلوب نوجد معادلة. معادلة لإيه؟ علشان نوجد بيها النقاط بتاعة نبيل. وتاني مطلوب هو إننا نحلّها. يعني نعرف نبيل جاب كام نقطة.

طيب إحنا قلنا في أول السؤال، إن فادي جاب أكتر من نبيل. والمطلوب نعرف نبيل جاب نقط قدّ إيه. فأول حاجة هنعملها، وهي إننا هنفرض إن عدد النقاط التي سجّلها نبيل، ك. يعني النقط بتاعة نبيل سميناها ك. طيب وإحنا قلنا إن فادي سجّل أكتر من نبيل بتمنية وخمسين ألف تسعمية تسعة وخمسين. فده معناه إيه؟ إن النقط اللي سجّلها فادي، ك زائد تمنية وخمسين ألف تسعمية تسعة وخمسين. فنقول: إذن عدد النقاط التي سجَّلها فادي تساوي ك زائد تمنية وخمسين ألف تسعمية تسعة وخمسين. كده إحنا معانا نقط نبيل، ونقط فادي.

طيب تاني جزء من السؤال بقى قال لنا إيه؟ قال لنا إن مجموعهم، مجموع نقاط نبيل على فادي، بالعدد ده: ستة وتمانين ألف تسعمية وخمسة. طيب تعالوا نجمع نقط نبيل، على نقط فادي، ونساويهم بستة وتمانين ألف تسعمية وخمسة. فنقول الأول: بما أن مجموع نقاط نبيل وفادي تساوي ستة وتمانين ألف تسعمية وخمسة. إذن ك اللي هي عدد نقاط نبيل، زائد ك، زائد تمنية وخمسين ألف تسعمية تسعة وخمسين، اللي هي عدد نقاط فادي؛ تساوي ستة وتمانين ألف تسعمية وخمسة. يبقى إحنا كده حلّينا أول جزء من السؤال، وجِبنا المعادلة: ك زائد ك، زائد تمنية وخمسين ألف تسعمية تسعة وخمسين، تساوي ستة وتمانين ألف تسعمية وخمسة.

نبدأ بقى نحلها. ك زائد ك تساوي اتنين ك. زائد تمنية وخمسين ألف تسعمية تسعة وخمسين، تساوي ستة وتمانين ألف تسعمية وخمسة. محتاجين نِخلص من العدد ده؛ عشان نخلّي الـ ك في طرف لوحدها. بإضافة سالب تمنية وخمسين ألف تسعمية تسعة وخمسين للطرفين.

فهيكون: اتنين ك. زائد تمنية وخمسين ألف تسعمية تسعة وخمسين. ناقص تمنية وخمسين ألف تسعمية تسعة وخمسين. تساوي ستة وتمانين ألف تسعمية وخمسة. ناقص تمنية وخمسين ألف تسعمية تسعة وخمسين.

طبعًا العددين دول لمّا نطرحهم، هيروحوا مع بعض، وهيبقى الناتج صفر. فهيتبقَّى لنا هنا إيه؟ اتنين ك. بعدين نبدأ نطرح ستة وتمانين ألف تسعمية وخمسة، ناقص تمنية وخمسين ألف تسعمية تسعة وخمسين. ناتج طرحهم هيساوي سبعة وعشرين ألف تسعمية ستة وأربعين.

طيب عاوزين نخلص من الاتنين اللي جانب الـ ك. فهنقول بقسمة الطرفين على اتنين. فنقسم هنا على الاتنين. والطرف التاني ده على الإيه؟ الاتنين. فهيتبقّى لنا هنا إيه؟ ك. هتساوي … لأن طبعًا الاتنين على الاتنين، فيها الواحد. طيب ك بقى هتساوي إيه؟ سبعة وعشرين ألف تسعمية ستة وأربعين، على الاتنين. تلتاشر ألف تسعمية تلاتة وسبعين.

يبقى إحنا كده عندنا الـ ك بتساوي تلتاشر ألف تسعمية تلاتة وسبعين نقطة. وكده نكون حلّينا المعادلة اللي جِبناها، وحقّقنا المطلوب التاني. ونكون خلّصنا حل السؤال بالكامل.

أول مطلوب كتابة المعادلة. أهي: ك زائد ك، زائد تمنية وخمسين ألف تسعمية تسعة وخمسين، يساوي ستة وتمانين ألف تسعمية وخمسة. دي المعادلة. وتاني مطلوب، حلّها. حلها طلع بتلتاشر ألف تسعمية تلاتة وسبعين نقطة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.