فيديو السؤال: قابلية قسمة عدد الرياضيات

أيٌّ من الأعداد الآتية يقبل القسمة على ٦؟ [أ] ١٠ [ب] ٤٠ [ج] ١٦ [د] ٣٠

٠٢:٠٣

‏نسخة الفيديو النصية

أيٌّ من الأعداد الآتية يقبل القسمة على ستة؟ أ: عشرة. ب: أربعين. ج: ستاشر. وَ د: تلاتين.

أي عدد علشان يقبل القسمة على ستة لازم يكون محقّق شرطين، وهو إنه يكون بيقبل القسمة على الاتنين، وكمان بيقبل القسمة على التلاتة. وأي عدد علشان يقبل القسمة على اتنين لازم يكون الآحاد عدد زوجي.

ولو بصّينا في الاختيارات هنلاقي العدد عشرة والعدد أربعين والعدد ستاشر وكمان تلاتين، كلهم الآحاد فيهم عدد زوجي. وبكده مش هنقدر نختار. فهنشوف الشرط التاني وهو إنه يكون العدد بيقبل القسمة على تلاتة. وأي عدد هيقبل القسمة على تلاتة، إذا كان مجموع أرقامه بيقبل القسمة على تلاتة.

فعندنا أول اختيار العدد عشرة، لو جمعنا أرقامه صفر زائد واحد، هيساوي واحد. وواحد مش هيقبل القسمة على تلاتة؛ فمش هنختار الاختيار ده.

والاختيار التاني العدد أربعين، أرقامه صفر زائد أربعة بيساوي أربعة. وأربعة برضو مش بتقبل القسمة على تلاتة؛ فمش هنختار الاختيار ده.

والاختيار التالت ستاشر، يعني ستة زائد واحد. جمعنا أرقامه فكان الناتج سبعة. وسبعة مش بيقبل القسمة على تلاتة؛ وبالتالي مش هنختار برضو الاختيار ده.

وعندنا في الاختيار الأخير تلاتين، يعني صفر زائد تلاتة بيساوي تلاتة. وتلاتة بتقبل القسمة على تلاتة؛ يعني هيكون العدد ده بيقبل القسمة على تلاتة وبيقبل القسمة برضو على ستة.

وبكده عرفنا إنه العدد تلاتين هو اللي بيقبل القسمة على ستة؛ لأنه بيقبل القسمة على الاتنين وعلى التلاتة.

Nagwa uses cookies to ensure you get the best experience on our website. Learn more about our Privacy Policy.