فيديو: إيجاد خارج قسمة عددين مركبين على الصورة القطبية

‏نسخة الفيديو النصية

إذا كانت ع واحد بتساوي عشرين في؛ جتا 𝜋 على اتنين، زائد ت جا 𝜋 على اتنين. وَ ع اتنين بتساوي أربعة في؛ جتا 𝜋 على ستة، زائد ت جا 𝜋 على ستة. فاوجد ع واحد على ع اتنين في الصورة القطبية.

في البداية لو كان عندنا عددين مركبين في الصورة القطبية، بالشكل ده. ع واحد بتساوي ل واحد في؛ جتا 𝜃 واحد، زائد ت جا 𝜃 واحد. وَ ع اتنين بتساوي ل اتنين في؛ جتا 𝜃 اتنين، زائد ت جا 𝜃 اتنين. فلو عايزين نوجد ع واحد على ع اتنين هتساوي … هيساوي ل واحد على ل اتنين في؛ جتا 𝜃 واحد ناقص 𝜃 اتنين، زائد ت جا 𝜃 واحد ناقص 𝜃 اتنين.

وبالتالي بالنسبة للعدد المركب المُعطى ع واحد، والعدد المركب المُعطى ع اتنين. لو عايزين نوجد ع واحد على ع اتنين. فهيساوي مقياس العدد المركب الأول اللي هو عشرين. مقسوم على مقياس العدد المركب التاني اللي هو أربعة. مضروب في جتا سعة العدد المركب الأول اللي هي 𝜋 على اتنين. ناقص سعة العدد المركب التاني اللي هي 𝜋 على ستة. زائد ت جا سعة العدد المركب الأول اللي هي 𝜋 على اتنين. ناقص سعة العدد المركب التاني اللي هي 𝜋 على ستة.

يعني ع واحد على ع اتنين هتساوي … عشرين على أربعة بتساوي خمسة، مضروبة في جتا … 𝜋 على اتنين، ناقص 𝜋 على ستة، هتساوي 𝜋 على تلاتة. يعني هيكون عندنا جتا 𝜋 على تلاتة. زائد ت في جا … 𝜋 على اتنين، ناقص 𝜋 على ستة، هتساوي 𝜋 على تلاتة. يبقى كده ع واحد على ع اتنين، في الصورة القطبية، هتكون خمسة في؛ جتا 𝜋 على تلاتة، زائد ت جا 𝜋 على تلاتة.