فيديو: خواص المجموعات

إذا كانت أ مجموعة جزئية من المجموعة الشاملة ش، فما (أ′)′؟

٠١:٢٧

‏نسخة الفيديو النصية

إذا كانت أ مجموعة جزئية من المجموعة الشاملة ش، فما مكمِّلة مكمِّلة المجموعة أ؟

يعني معطى عندنا إن أ مجموعة جزئية من المجموعة الشاملة ش. فلو فرضنا إن هي دي المجموعة الشاملة ش، وبالتالي هتبقى هي دي المجموعة أ، اللي هي جزئية من المجموعة الشاملة ش.

ففي الأول خلّينا نشوف إيه هي مكمِّلة المجموعة أ. فتبقى مكمِّلة المجموعة أ هي القيم اللي خارج المجموعة أ داخل المجموعة الشاملة. فتبقى هي الجزء المظلّل باللون البرتقاني. فبالتالي هيبقى الجزء المظلّل ده هو اللي بيعبِّر عن مكمِّلة المجموعة أ.

طيب إحنا لو عايزين نوجد مكمِّلة مكمِّلة المجموعة أ. فبالتالي هتبقى مكمِّلة مكمِّلة المجموعة أ، هتبقى عبارة عن القيم اللي خارج مكمِّلة المجموعة أ، وفي نفس الوقت داخل المجموعة الشاملة. فبالتالي هيبقى الجزء اللي خارج الجزء المظلّل باللون البرتقاني هو الجزء ده؛ لأن هو ده الجزء اللي خارج مكمِّلة المجموعة أ. فهنلاحظ إن الجزء ده هو اللي بيمثّل المجموعة أ نفسها.

فبالتالي لو عايزين نوجد هنا مكمِّلة مكمِّلة المجموعة أ، هتبقى بتساوي أ. فهتبقى إجابة السؤال «ما مكمِّلة مكمِّلة المجموعة أ؟» هي: أ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.