فيديو: إيجاد احتمال اتحاد حدثين

يوضح الجدول عدد طلاب الصفوف الدراسية السادس، والسابع، والثامن في إحدى المدارس. إذا اختير أحد هؤلاء الطلاب عشوائيًّا، فأوجد ل (طلاب الصف السادس أو الصف السابع) في صورة كسر.

٠٢:٠٣

‏نسخة الفيديو النصية

يوضح الجدول عدد طلاب الصفوف الدراسية السادس، والسابع، والثامن في إحدى المدارس. إذا اختير أحد هؤلاء الطلاب عشوائيًّا، فأوجد احتمال طلاب الصف السادس أو الصف السابع في صورة كسر.

الجدول اللي عندنا بيوضح عدد الطلاب في كل صف من الصفوف المذكورة. فعندنا طلاب الصف السادس عبارة عن تمنية وعشرين طالب، وطلاب الصف السابع واحد وعشرين طالب، وطلاب الصف الثامن واحد وأربعين طالب. دلوقتي مطلوب مننا نعرف لو اخترنا أحد الطلاب عشوائيًّا، يا ترى إيه احتمال إن الطالب ده يطلع من بين طلاب الصف السادس أو الصف السابع؟

دلوقتي كلمة «أو» اللي عندنا في الاحتمال المطلوب دي، معناها إننا هنشوف إذا كان الطالب موجود في السادس أو السابع. الاتنين دول هيمثلوا نفس الحدث. يعني هنجمع عدد طلاب الصف السادس والسابع، ونقسم العدد ده على العدد الكلي للطلاب. وبالتالي يبقى كده حسبنا احتمال إن الطالب اللي اخترناه يبقى موجود في أيٍّ من الصفين السادس أو السابع.

دلوقتي عدد طلاب الصف السادس زي مكتوب عندنا في الجدول تمنية وعشرين، والصف السابع واحد وعشرين. كده يبقى جِبنا مجموع الطلاب في الصفين. وإجمالي عدد الطلاب هيبقى عبارة عن مجموع الطلاب في التلات صفوف الدراسية، اللي موجودين عندنا: تمنية وعشرين زائد واحد وعشرين زائد واحد وأربعين.

دلوقتي هنجمع تمنية وعشرين زائد واحد وعشرين، هيبقى بيساوي تسعة وأربعين على … هنجمع التلات أعداد اللي عندنا في المقام، هيطلع مجموعهم تسعين. الكسر اللي حصلنا عليه ده مكتوب في أبسط صورة، لأن ما فيش أي عامل مشترك بين البسط والمقام. يبقى كده حصلنا على الاحتمال المطلوب في أبسط صورة. يبقى الاحتمال إن الطالب اللي هيتم اختياره عشوائيًّا يكون بين طلاب الصف السادس أو السابع، هيبقى بيساوي تسعة وأربعين على تسعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.