فيديو السؤال: كتابة كسر في صورة نسبة مئوية الرياضيات

عبِّر عن الجزء الملوَّن في الشكل الموضَّح في صورة نسبة مئوية.

٠٢:٠٦

‏نسخة الفيديو النصية

عبر عن الجزء الملون في الشكل الموضح في صورة نسبة مئوية.

ومعطى عندنا الشكل ده، وهنلاحظ إن الشكل بيتكون من خمسة وعشرين جزء، وهو عبارة عن خمس أعمدة وخمس صفوف.

بعد كده خلينا نشوف عدد الأجزاء الملونة، فهنلاحظ إننا عندنا تلات صفوف ملونة، وكل صف بيتكون من خمس أجزاء؛ فمعنى كده إن التلات صفوف دول عبارة عن خمستاشر جزء ملون، وعندنا هنا جزئين؛ فمعنى كده إننا عندنا سبعتاشر جزء ملوَّن؛ فمعنى كده إننا عندنا سبعتاشر جزء ملون من خمسة وعشرين جزء؛ فبالتالي هيبقى الجزء الملون بيمثل سبعتاشر على خمسة وعشرين من الشكل.

لكن المطلوب في السؤال إننا نعبر عن الجزء الملون في الشكل في صورة نسبة مئوية، وخلينا نفتكر إن النسبة المئوية هو كسر مقامه مية، وعشان نعبّر عن الجزء الملون في صورة نسبة مئوية، يبقى لازم الكسر اللي عندنا ده نخلّي مقامه مية؛ فالمقام عندنا ده خمسة وعشرين، وعشان نخليه مية يبقى هنضرب خمسة وعشرين في أربعة، وزي ما ضربنا المقام في أربعة، يبقى لازم نضرب البسط في أربعة عشان نحافظ على نفس قيمة الكسر، فلمّا نضرب المقام خمسة وعشرين في أربعة هيساوي مية، وأما البسط فهنضرب سبعتاشر في أربعة فلمّا نحسبها هتبقى بتساوي تمنية وستين؛ فكده يبقى عندنا الكسر تمنية وستين على مية بيعبّر عن الجزء الملون في الشكل. وبما إن الكسر مقامه مية فنقدر دلوقتي نكتبه في صورة نسبة مئوية، فهيبقى بيساوي تمنية وستين في المية.

وبالتالي هتبقى النسبة المئوية للجزء الملوَّن في الشكل بتساوي تمنية وستين في المية.

Nagwa uses cookies to ensure you get the best experience on our website. Learn more about our Privacy Policy.