فيديو: الشغل، والطاقة، والقدرة للإنسان

ما المُدَّة الزمنية التي يُمكِنك فيها لعب التنس باستخدام طاقة مقدارها 800kJ في قطعة حلوى، علمًا بأن لعب التنس يستهلك طاقة بمُعدَّل 440W؟ أوجد إجابتك بالدقيقة.

٠١:٣١

‏نسخة الفيديو النصية

ما المدة الزمنية التي يمكنك فيها لعب التنس باستخدام طاقة مقدارها تمنمية كيلوجول في قطعة حلوى، علمًا بأن لعب التنس يستهلك طاقة بمعدل ربعمية وأربعين وات. أوجد إجابتك بالدقيقة.

فإحنا عايزين نعرف الزمن اللي هنستهلك فيه طاقة مقدارها تمنمية كيلوجول، عن طريق إن إحنا نلعب تنس. ومعدل استهلاك الطاقة بتاع التنس ربعمية وأربعين وات. وبما إن القدرة هي معدل استهلاك الطاقة، فنقدر نقول إن القدرة بتساوي ربعمية وأربعين وات. وعلشان القدرة هي معدل استهلاك الطاقة، فهي عبارة عن الشغل مقسوم على الزمن.

وعلشان نجيب المطلوب بتاعنا وهو الزمن، هنضرب طرفين المعادلة في 𝑡 على 𝑃. فده هيدينا إن الزمن بيساوي الشغل على القدرة. ونقدر نطلع قيمة الزمن بإننا نعوّض بالقيم بتاعة الشغل والقدرة. ونلاقي إن هو بيساوي تمنمية كيلوجول مقسومين على ربعمية وأربعين وات. والكيلوجول ممكن نعوّض مكانها بعشرة أس تلاتة جول. والوات ووحدتها بتساوي جول على الثانية. فنقدر كده نختصر الجول مع الجول، ونطلع إن الزمن بيساوي ألف تمنمية وتمنتاشر ثانية.

ولكن إحنا عايزين نطلّع الإجابة بتاعتنا بالدقيقة. فبما إن الدقيقة فيها ستين ثانية. فده معناه إن الثانية بتساوي واحد على ستين دقيقة. نقدر دلوقتي نعوّض بالوحدة دي في الزمن، ونطلع إن الزمن بيساوي ألف تمنمية وتمنتاشر على ستين دقيقة. ولمّا نحسب الرقم ده، هنلاقيه بيساوي تلاتين وتلاتة من العشرة دقيقة. وبكده نبقى طلّعنا الزمن اللي هنستهلك فيه طاقة معينة عن طريق إن إحنا نلعب تنس.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.