فيديو: جمع عددين حتى ٩٩

٦٦ + ٨٥ = _.

٠١:٤٧

‏نسخة الفيديو النصية

ستة وستين زائد خمسة وتمانين تساوي، نقط.

عاوزين نعرف ناتج جمع ستة وستين زائد خمسة وتمانين. هنستخدم الجدول ده، ونبدأ نجمع فيه. أول حاجة، عندنا ستة وستين. الستة وستين عبارة عن ستة في الآحاد وستة في العشرات. بعدين نحطّ علامة الزائد بره الجدول. بعدين نكتب الخمسة وتمانين. الخمسة وتمانين عبارة عن خمسة في الآحاد وتمنية في العشرات.

ونبدأ نجمع. أول حاجة، نجمع الآحاد. عندنا هنجمع ستة زائد خمسة. هنحطّ الستة في مخّنا وخمس مكعبات قدامنا. ونعدّ بعد الستة؛ سبعة، تمنية، تسعة، عشرة، حداشر. يبقى الناتج حداشر. الحداشر عبارة عن واحد وواحد. واحد هيتكتب تحت خانة الآحاد، والواحد التاني فوق الستة، اللي في خانة العشرات. كده نكون خلّصنا جمع الآحاد.

ونيجي لجمع العشرات. واحد زائد ستة يساوي سبعة. سبعة زائد تمنية؛ هنحطّ التمنية في مخّنا، وسبع مكعبات قدامنا. ونعدّ بعد التمنية؛ تسعة، عشرة، حداشر، اتناشر، تلتاشر، أربعتاشر، خمستاشر. الخمستاشر عبارة عن خمسة وواحد. الخمسة هتكون في خانة العشرات، والواحد هيتحطّ في خانة المئات. وهنلاقي إن ما فيش أيّ حاجة ممكن نجمعها على الواحد في خانة المئات، فهينزل زيّ ما هو.

وبكده نكون خلّصنا عملية الجمع اللي عندنا. وناتج الجمع هو مية واحد وخمسين. هي دي الإجابة الصحّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.