فيديو: طرح الأعداد حتى ٩٩٩

ادخَّر صبي ٣٢٧ جنيهًا. اشترى درَّاجة بمبلغ ١١٤ جنيهًا. ماذا تبقَّى معه من المال؟

٠١:٣٨

‏نسخة الفيديو النصية

ادَّخر صَبِيّ تلتمية سبعة وعشرين جنيهًا. اشترى درَّاجة بمبلغ مية وأربعتاشر جنيهًا. ماذا تبقَّى معه من المال؟

فيه ولد كان محوّش تلتمية سبعة وعشرين جنيه. خَدْ منهم مية وأربعتاشر جنيه، اشترى بيهم عجلة. عاوزين نعرف اتبقَّى معاه كام. علشان نعرف الباقي، هنقوم بعملية الطرح. فنكتب الأول العدد الكبير: تلتمية سبعة وعشرين، وتحته العدد الصغيّر: مية وأربعتاشر، وعلامة الطرح، اللي هي الناقص، وبعدين خطّ الناتج.

ونبدأ نطرح. سبعة ناقص أربعة، هنعدّ بعد الأربعة لحدّ ما نوصل للسبعة. بعد الأربعة: خمسة، ستة، سبعة. عملنا كام شرطة؟ واحد، اتنين، تلاتة. يبقى الناتج تلاتة. ممكن نعمل كده على صوابع إيدينا. نعدّ على صوابع إيدينا. وبعدين هنطرح العشرات. اتنين ناقص واحد. نعدّ بعد الواحد؛ عشان نوصل للاتنين. بعد الواحد إيه؟ اتنين. هي شرطة واحدة اللي عدّيناها. فده معناه إن اتنين ناقص واحد بتساوي واحد. بعدين نطرح المئات. تلاتة ناقص واحد. نعدّ بعد الواحد لحدّ ما نوصل للتلاتة. بعد الواحد اتنين، تلاتة. عدّينا شرطتين أهو؛ واحد، اتنين. يبقى الناتج اتنين. وهو ده ناتج الطرح؛ ميتين وتلتاشر.

وده المبلغ اللي اتبقَّى مع الولد: ميتين وتلتاشر جنيهًا. هي دي الإجابة الصحّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.