فيديو: تحديد احتمال تقاطع حدثين في تجربة إلقاء حجر نرد

ما احتمال ظهور عدد زوجي أكبر من ١ عند إلقاء حجر نرد؟

٠١:٢٩

‏نسخة الفيديو النصية

ما احتمال ظهور عدد زوجي أكبر من واحد عند إلقاء حجر نرد؟

وخلينا في الأول نفتكر إن احتمال وقوع الحدث أ بتساوي عدد النتائج المُحتملة مقسوم على العدد الكلي للنتائج في فضاء العينة اللي هو ف. وخلينا نفتكر إن حجر النرد هو مكعّب له ستة أوجُه مرقّمة من واحد إلى ستة؛ فبالتالي هيبقى جميع النتائج اللي هي فضاء العينة هي: واحد، واتنين، وتلاتة، وأربعة، وخمسة، وستة؛ يعني عددهم ستة. بعد كده الاحتمال اللي عندنا هو احتمال ظهور عدد زوجي أكبر من واحد. فلمّا نيجي نشوف عندنا الأعداد الزوجية اللي أكبر من واحد هنلاحظ إن هما اتنين وأربعة وستة؛ فبالتالي هيبقى الحدث أ اللي هو الحصول على عدد زوجي أكبر من واحد هي اتنين وأربعة وستة. فبالتالي هيبقى احتمال وقوع الحدث أ بيساوي عدد النتائج المحتمَلة واللي هم عددهم تلاتة، مقسوم على العدد الكلي للنتائج في فضاء العينة واللي هم عددهم ستة؛ فبالتالي هيبقى احتمال وقوع الحدث أ بيساوي تلاتة على ستة، ونقدر نبسّط الكسر عن طريق إننا نقسم البسط والمقام على تلاتة، فلمّا نقسم في البسط تلاتة على تلاتة هتساوي واحد، وأما المقام هنقسم ستة على تلاتة هتساوي اتنين.

فبالتالي هيبقى احتمال ظهور عدد زوجي أكبر من واحد عند إلقاء حجر نرد هو واحد على اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.