فيديو: حل المسائل الكلامية على معدلات الوحدة التي تتضمن الأعداد العشرية

تستهلك سيارة لترًا واحدًا من الوقود لقطع مسافة ١٠ كيلومترات. كم لترًا من الوقود تستهلكه السيارة لقطع مسافة ٦٧٦٫٨ كيلومترًا؟

٠٢:٠٩

‏نسخة الفيديو النصية

تستهلك سيارة لترًا واحدًا من الوقود لقطع مسافة عشرة كيلومترات. كم لترًا من الوقود تستهلكه السيارة لقطع مسافة ستمية ستة وسبعين وتمنية من عشرة كيلومترًا؟

دلوقتي عرفنا من السؤال إن السيارة بتستهلك لتر واحد بس من الوقود لكل عشرة كيلومتر. يعني نقدر نحسب من هنا معدّل استهلاك الوقود لكل كيلومتر، بإننا هنقسم عدد اللترات اللي بتستهلكها السيارة على عدد الكيلومترات. يعني هنقسم واحد لتر على العشرة كيلومتر اللي بتمشيهم باللتر الواحد ده. يعني دلوقتي معدّل الاستهلاك هيبقى واحد على عشرة لتر من الوقود لكل كيلومتر. وده بيعني استهلاكها في الكيلومتر الواحد واحد على عشرة لتر من الوقود.

طب إحنا مطلوب منّنا نحسب كمية الوقود اللي هتستهلكها لو قطعت مسافة مقدارها ستمية ستة وسبعين وتمنية من عشرة كيلومتر. يبقى دلوقتي نقدر نحسب كمية الوقود المستهلَكة دي بإننا هنضرب المسافة اللي قطعتها بالكيلومترات في معدَّل استهلاك الوقود لكل كيلومتر. يبقى هنضرب ستمية ستة وسبعين وتمنية من عشرة كيلومتر في واحد على عشرة لتر لكل كيلومتر. عملية الضرب في واحد على عشرة هي نفسها بتعني عملية قسمة على عشرة.

ولمّا بنيجي نقسم عدد عشري على قوى العدد عشرة، زيّ ما بنقسم هنا على عشرة، العشرة دي فيها كام صفر؟ فيها صفر واحد. بنحرّك العلامة العشرية في القسمة جهة اليسار. هنحرّكها بعدد الأصفار اللي في العدد اللي بنقسم عليه. إحنا عندنا صفر واحد، يبقى هنحرّك العلامة العشرية جهة اليسار حركة واحدة بس. فكده خارج القسمة هيصبح سبعة وستين وتمنية وستين من مية.

يبقى كده قدرنا نوجد كمية الوقود المستهلَكة في المسافة المذكورة. واللي هتطلع سبعة وستين وتمنية وستين من مية لترًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.