فيديو: ضرب الأعداد العشرية

أكمل الشكل التالي.

٠٣:٥٠

‏نسخة الفيديو النصية

أكمل الشكل التالي.

عشان نكمل الشكل هنضرب تمنية وخمسة من عشرة في اتنين من عشرة، بعد كده بعد ما نوجد الناتج هنضرب الناتج في تلاتة من عشرة، وبعد ما نوجد الناتج هنضربه في اتنين وخمسة من عشرة، وحاصل الضرب هيبقى الناتج الأخير.

عشان نضرب أعداد عشرية في بعضها أول حاجة بنضربها بدون علامات عشرية، بعدين بنكتب العلامة العشرية في الناتج حسب عدد الأرقام قبلها في العدد المضروب، فنضرب أول حاجة تمنية وخمسة من عشرة في اتنين من عشرة، فنشيل العلامات العشرية، بعد كده نضرب … اتنين في خمسة هيساوي عشرة، فهنكتب صفر في الناتج في الآحاد ونضيف واحد للعشرات، بعد كده نضرب اتنين في تمنية هيبقى الناتج بيساوي ستاشر، ونضيف ليها الواحد فهيبقى الناتج سبعتاشر، فهنكتبها في الناتج، بعد كده نشوف العددين اللي ضربناهم هنلاقي إن العلامة العشرية في العدد الأول بعد رقم واحد، وفي العدد التاني برضو بعد رقم واحد؛ يبقى هنحطها في الناتج بعد رقمين، فهنعد رقمين من اليمين لليسار بعدين هنحط العلامة العشرية؛ يبقى حاصل ضرب تمنية وخمسة من عشرة في اتنين من عشرة هو واحد وسبعة من عشرة.

بعد كد هنضرب واحد وسبعة من عشرة في تلاتة من عشرة، برضو بنفس الطريقة هنضرب بدون العلامات العشرية، فنضرب تلاتة في سبعة فالناتج هيبقى واحد وعشرين، فنكتب واحد في الناتج في الآحاد ونضيف اتنين للعشرات، بعد كده نضرب تلاتة في واحد هيبقى الناتج تلاتة، ‏ونضيف ليها الاتنين فهيبقى الناتج خمسة، فنكتب خمسة في العشرات، بعدين نشوف مواقع العلامات العشرية في الأعداد المضروبة؛ هنلاقيها في العدد الأول اللي هو واحد وسبعة من عشرة بعد رقم واحد، وفي العدد التاني اللي هو تلاتة من عشرة برضو بعد رقم واحد، يبقى هنحطها في الناتج بعد رقمين من اليمين لليسار؛ يبقى حاصل ضرب واحد وسبعة من عشرة في تلاتة من عشرة هو واحد وخمسين من مية.

بعد كده آخر حاجة نضرب واحد وخمسين من مية في اتنين وخمسة من عشرة، وبرضو بدون العلامات العشرية، أول حاجة نضرب الخمسة في الواحد هيبقى الناتج بيساوي خمسة، بعد كده نضرب خمسة في خمسة هيبقى الناتج خمسة وعشرين، وبما إن ما فيش أي أعداد تانية هتضّرب فنكتب خمسة وعشرين في الناتج. بعد كده نكتب صفر قبل ما نضرب أي عدد في الاتنين؛ وده لأن الاتنين القيمة المكانية ليها هي العشرات، بعد كده هنضرب اتنين في واحد هيبقى الناتج اتنين، واتنين في خمسة هيبقى الناتج عشرة، وبما إن ما فيش أي أرقام تاني هتضّرب هنكتب عشرة، بعد كده نجمع خمسة زائد صفر هيساوي خمسة، خمسة زائد اتنين هيساوي سبعة، اتنين زائد صفر هيساوي اتنين، وننزل الواحد، بعد كده نشوف مواقع العلامات العشرية في العدد المضروب، فهنلاقيها في العدد الأول اللي هو واحد وخمسين من مية بعد رقمين، وفي العدد التاني بعد رقم واحد؛ يبقى هنكتبها في الناتج بعد تلات أرقام من اليمين لليسار؛ يبقى حاصل ضرب واحد وخمسين من مية في اتنين وخمسة من عشرة هو واحد وميتين خمسة وسبعين من ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.