فيديو: حل المسائل الكلامية عن طريق ضرب عدد عشري في آخر

ترك شخص صنبورًا مفتوحًا عن طريق الخطأ لمدة ٤٫٢٥ ساعات. إذا أُهدِر ٤٫٦٤ لترات من الماء كل ساعة، فما إجمالي المياه المهدرة؟

٠٤:١٧

‏نسخة الفيديو النصية

ترك شخص صنبورًا مفتوحًا عن طريق الخطأ لمدة أربعة وخمسة وعشرين من مية ساعات. إذا أُهدِر أربعة وأربعة وستين من مية لترات من الماء كل ساعة. فما إجمالي المياه المهدرة؟

دلوقتي هنحاول نلخّص المعطيات اللي عندنا في السؤال. عندنا صنبور بطريق الخطأ فضل مفتوح. بيهدر أربعة وأربعة وستين من مية لترات لكل ساعة. طب لو فضل مفتوح أربعة وخمسة وعشرين من مية ساعات. يا ترى كمية المياه المهدَرة هتكون قد إيه؟ كمية المياه المهدرة في زمن معيّن هتبقى عبارة عن معدل الإهدار في الساعة الواحدة، في المدة الزمنية بالساعات.

يعني حاصل ضرب أربعة وأربعة وستين من مية في أربعة وخمسة وعشرين من مية ساعات. لمّا بنيجي نوجد حاصل ضرب عددين عشريين؛ عشان نسهّل على نفسنا إجراء عملية الضرب. هنكتب الأعداد من غير علامة عشرية. يعني هنهمل العلامة العشرية في كل من العددين اللي عندنا. وبعدين نبدأ نجري عملية الضرب. وفي الآخر هنحط العلامة العشرية المناسبة في حاصل الضرب اللي هنحصل عليه.

هنبدأ نضرب خمسة في أربعة يساوي عشرين. صفر، ومعانا اتنين، هنحتفظ بيها فوق خانة العشرات. بعد كده نضرب خمسة في ستة بتلاتين. زائد اتنين، يبقى اتنين وتلاتين. هنكتب الاتنين، والتلاتة هنحتفظ بيها فوق خانة المئات. بعد كده هنضرب خمسة في أربعة يساوي عشرين. زائد تلاتة، يبقى تلاتة وعشرين.

هنبدأ بعد كده نضرب اتنين في أربعة. وناتج الضرب هيبقى تمنية، هنحطه في خانة العشرات. بعد كده نضرب اتنين في ستة يساوي اتناشر. هنكتب الاتنين، واحد هنحتفظ بيها فوق خانة الألوف. بعد كده هنضرب اتنين في أربعة يساوي تمنية. زائد واحد، هيبقى يساوي تسعة.

دلوقتي يعني هنضرب أربعة في أربعة يساوي ستاشر. هنبدأ الإجابة أو هنكتب حاصل الضرب بدءًا من خانة المئات. نكتب الستة، والواحد هنحتفظ بيه فوق خانة العشرات. بعد كده هنضرب أربعة في ستة بأربعة وعشرين. زائد واحد، يبقى يساوي خمسة وعشرين. هنكتب الخمسة، والاتنين هنحتفظ بيها فوق خانة المئات. بعد كده هنضرب أربعة في أربعة يساوي ستاشر. زائد اتنين يساوي تمنتاشر. نكتب بقى التمنتاشر.

دلوقتي هنبدأ نجمع حواصل الضرب الجزئية؛ عشان نحصل على حاصل الضرب النهائي. الصفر في خانة الآحاد هينزل زي ما هو. بعد كده عندنا في خانة العشرات اتنين زائد تمنية هيساوي عشرة. صفر، وفيه واحد هنحتفظ بيه فوق خانة المئات. بعد كده واحد زائد تلاتة يساوي أربعة، زائد اتنين يساوي ستة، زائد ستة يساوي اتناشر. هنكتب الاتنين، والواحد هنحتفظ بيه فوق خانة الألوف. ونبتدي نجمع واحد زائد اتنين تلاتة، زائد تسعة يساوي اتناشر، زائد خمسة يساوي سبعتاشر. هنكتب سبعة، والواحد هنحتفظ بيه فوق خانة عشرات الألوف. بعد كده هنجمع واحد زائد تمنية يساوي تسعة. وبعد كده الواحد اللي باقي في خانة مئات الألوف هينزل زي ما هو.

يبقى كده قدرنا نحصل على حاصل الضرب. بس فيه حاجة مهمة ما ننساهاش، إن العددين اللي كنا بنضربهم كانوا المفروض إنهم عددين عشريين. إحنا أجرينا عملية الضرب على إنها أعداد صحيحة مش أعداد عشرية. دلوقتي حاصل الضرب محتاج نحُط فيه العلامة العشرية في المكان المناسب. إزّاي بنقدر نعمل كده؟ العدد الأول العلامة العشرية موجودة فيه بعد رقمين من جهة اليمين. والعدد التاني برضو العلامة العشرية موجودة فيه بعد رقمين من جهة اليمين. يبقى الناتج هنحط العلامة العشرية فيه بعد أربع أرقام من جهة اليمين. فهيصبح حاصل الضرب تسعتاشر واتنين وسبعين من مية. يبقى كمية المياه المهدَرة من الصنبور هي تسعتاشر واتنين وسبعين من مية لترًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.