فيديو: حل مسائل الجمع الكلامية الممثلة بالصور

لدينا ٤ سُترات زرقاء و٣ سُترات حمراء. كم سُترة لدينا؟ [أ] ٤ − ٣ = ٧ [ب] ٤ + ٣ = ٧ [ج] ١٠ − ٣ = ٧

٠١:٥٠

‏نسخة الفيديو النصية

لدينا أربع سُترات زرقاء، وتلات سُترات حمراء. كم سُترة لدينا؟ أربعة ناقص تلاتة تساوي سبعة. أربعة زائد تلاتة تساوي سبعة. عشرة ناقص تلاتة تساوي سبعة.

عاوزين نعرف أيّ تعبير من التعبيرات التلاتة اللي قلناهم دول، هو اللي بيمثّل السؤال بتاعنا. طب إحنا السؤال بتاعنا بيقول لنا إيه؟ بيقول لنا إننا عندنا أربع سُترات لونهم أزرق. أهُم؛ واحد، اتنين، تلاتة، أربعة. وإيه تاني؟ وتلاتة لونهم أحمر. واحد، اتنين، تلاتة. كلهم بقى على بعضهم يبقوا كام؟ بكل بساطة هنجمع الأربع سُترات اللي لونهم أزرق. زائد التلات سُترات اللي لونهم أحمر، تلاتة أهُم. ونشوف الناتج هيبقى إيه.

الناتج هيبقى عدد السُّترات كلها، فهنعدّهم كلهم. واحد، اتنين، تلاتة، أربعة، خمسة، ستة، سبعة. يبقى عددهم كلهم إيه؟ سبعة. ويبقى هو ده التعبير اللي بيمثّل عملية الجمع اللي حصلت: أربعة زائد تلاتة تساوي سبعة. وعدد السُّترات كلها سبعة. أيّ بقى اختيار، من الاختيارات اللي عندنا، هو الاختيار الصحيح؟

لو بصّينا على أول اختيار: أربعة ناقص تلاتة تساوي سبعة. غلط مش هو ده. طب تاني اختيار: أربعة زائد تلاتة تساوي سبعة. هو ده، شبه الإجابة اللي إحنا كتبناها بالظبط. وبرضو عشان نتأكّد، نشوف الاختيار التالت: عشرة ناقص تلاتة تساوي سبعة. مش هو. يبقى كده عرفتم إيه هو الاختيار الصح؟ أربعة زائد تلاتة تساوي سبعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.